Not logged in | Login

اردو کے سب رنگ

Feeds

10293 items (0 unread) in 143 feeds

Recent items

Skip to page: 1 2 3 ... 264

میرا پاکستان

یہ میرا پاکستان ہے

Posted: May 19th, 2012, 11:51pm by ميرا پاکستان

یہ میرا پاکستان ہے جس کا وزیراعظم سزا یافتہ ہے۔ جس کے وزیرداخلہ پر توہین عدالت کا کیس چلنے والا ہے۔ جہاں بجلی اور گیس کے بحران نے مقامی صنعت کا بیڑہ غرق کر دیا ہے۔ جہاں گرمی کی شدت سے لوگ بے حال ہو رہے ہیں۔ جہاں کے میڈیا کو ٹاک شوز کے علاوہ کوئی کام نہیں ہے۔ جہاں کی فوج اپنی آنکھوں سے حکمرانوں کو لوٹ مار کرتے دیکھ رہی ہے۔ جہاں کی عدالتوں میں وزیراعظم کے بیٹے سمیت حکمرانوں پر مقدمے چل رہے ہیں۔ جہاں کی حزب اختلاف پر منی لانڈرنگ اور سپریم کورٹ پر حملے کے مقدمے بنائے جا رہےہی۔

لیکن میرا پاکستان ان تمام مسائل کے باوجود نہ صرف زندہ بلکہ اب اس کے نوجوان زیادہ سے زیادہ تعلیم حاصل کر رہے ہیں۔ ان کا ذہن بیدار ہو رہا ہے۔ ان کو اچھے برے کی تمیز ہونے لگی ہے۔ یہی نوجوان آگے چل کر میرے پاکستان کی باگ دوڑ سنبھالنے والے ہیں۔ ہمیں سوفیصد یقین ہے کہ پاکستان میں تبدیلی آ رہی ہے۔ مانا کہ تبدیلی کی رفتار سست ہے مگر تبدیلی سے انکار کرنا اپنے آپ کو اندھیرے میں رکھنے والی بات ہو گی۔

تحریم کا بلاگ

سید قاسم محمود

Posted: May 19th, 2012, 8:38pm by ارتقاءِ حيات

کہاجاتاہے۔”Unsung Heroes“غیر معمولی اور باصلاحیت انسانو کی ایک قسم وہ بھی ہوتی ہےجسے انگریزی زبان میں یہ لوگ ان ہیروز سے مختلف ہوتےہیں جنہیں قدرے دیر سے یا بعد از مرگ شہرت ملتی ہے ۔ایسی ہی ایک مثال لئے آج میں آپ کے سامنے ہوں ۔ پاکستان میں بھی ایسی چند شخصیات ہیں جنہوں نے [...]

پروفیسر عقیل کے مضامین

مصیبتوں سے نجات کیسے؟

Posted: May 19th, 2012, 6:42pm by پروفیسر محمد عقیل

ہم میں سے ہر شخص مصائب سے بچ کر زندگی گزارنا چاہتا ہے ۔ دکھ اور الم کی زندگی کوئی نہیں پسند کرتا۔ ہماری تمام تر کدو و کاوش کے پیچھے یہی جذبہ ہوتا ہے کہ مصائب و آلام سے بچ کر زندگی گزاری جائے ۔ مگر یہ دنیاآزمائش کے جس اصول پربنی ہے اس [...]

کرک نامہ

حالیہ کارکردگی کی بدولت سری لنکا پر برتری حاصل ہوگی: مصباح

Posted: May 19th, 2012, 5:06pm by شہاب نفیس
پاکستانی ایک روزہ اور ٹیسٹ کرکٹ ٹیم کے کپتان مصباح الحق کا کہنا ہے سری لنکا کے خلاف ان کی ٹیم کی حالیہ کار کردگی اس بات کی آئینہ دار ہے کہ اگلے ماہ سے شروع ہونے والے دورۂ سری لنکا میں پاکستان کو میزبان ٹیم پرتھوڑی بہت برتری ضرور حاصل ہوگی۔

مصباح الحق کی زیر قیادت پاکستان نے آخری مرتبہ سری لنکا کے خلاف ٹیسٹ، ایک روزہ اور ٹی ٹوئنٹی تینوں سیریز جیتی تھیں (تصویر: AFP)

لاہور میں جاری تربیتی کیمپ کے دوران معروف ویب سائٹ کرک انفوسے بات کرتے ہوئے مصباح کا کہنا تھا کہ سری لنکا پاکستان کے لئے ہمیشہ سے ایک مضبوط حریف رہا ہے، خاص طورپر جب مقابلہ ان کے اپنے وطن میں ہو۔ بہتر نتائج کے لئے یقیناً ہمیں ہر شعبے میں جان مارنی پڑے گی۔ مگر چونکہ ہمارا حالیہ ریکارڈ سری لنکا کے خلاف اچھا رہا ہے اور کھلاڑیوں میں اعتمادکا بھی فقدان نہیں، اس لیے ہمیں مخالف ٹیم پر ایک طرح کی فوقیت ضرور حاصل ہے۔

گزشتہ سال اکتوبر میں دونوں ٹیمیں متحدہ عرب امارات میں ایک دوسرے کے مقابل آئی تھیں جہاں سری لنکا کو تینوں طرز کی کرکٹ میں پاکستان کے ہاتھوں شکست کا سامنا کرنا پڑا۔ پاکستان نے ٹیسٹ سیریز میں 1-0 اور ایک روزہ سیریز میں 4-1 سے کامیابی حاصل کی۔ جبکہ ٹورنامنٹ میں کھیلے جانے والے واحد ٹی ٹوئنٹی میچ میں بھی پاکستان فتح یاب رہا۔ رواں سال ہونے والے ایشیا کپ میں بھی جب دونوں ٹیمیں نبردآزما ہوئیں تو ہار سری لنکا کا مقدر بنی۔ البتہ اس سیریز کی مناسبت سے یہ نکتہ اہمیت کا حامل ہے کہ آخری مرتبہ جب دونوں ٹیمیں سری لنکن سرزمین پر ٹکرائی تھیں تو پاکستان کو ٹیسٹ سیریز میں 2-0 جبکہ ایک روزہ مقابلوں میں 3-2 سے ہزیمت اٹھانا پڑی تھی۔

مصباح کا کہنا تھا کہ فیلڈنگ اور فٹنس کے حوالے سے پاکستانی ٹیم میں جو بہتری آئی ہے وہ اس مرتبہ کافی فائدہ مند ثابت ہوگی۔میرا خیال ہے کہ پچھلے دو سالوں میں ان دو شعبوں میں ہم نے کافی محنت کی ہے۔ ماضی میں ہر کوچ چاہے وہ وقار یونس ہوں یا اعجاز احمد سب نے اپنے متعلقہ شعبوں میں اچھا کام کیا۔ اور اب جولین فاؤنٹیں بطور فیلڈنگ کوچ نمایاں خدمت انجام دے رہے ہیں۔

دورۂ سری لنکا کے لئے پاکستان نے تینوں طرز کی کرکٹ کے لئے اسپیشلسٹ کھلاڑیوں کا انتخاب کیا ہے ۔ مصباح کا نام ٹی ٹوئنٹی دستے کے لئے نامزد نہ ہو سکا اور کپتانی محمد حفیظ کو سونپی گئی۔مگر مصباح کا کہنا ہے کہ اگر پاکستان کو ٹی ٹوئنٹی میں ان کی ضرورت پڑی تو وہ ضرور حاضر ہوں گے۔

مصباح نے کہا کہ مختصر ترین طرز کی کر کٹ دنیا بھر میں مقبول ہے اور میں ہمیشہ اس کے لئے کھیلتارہوں گا۔ جہاں تک میرے بین الاقوامی ٹی ٹوئنٹی کیرئیر کا تعلق ہے اس کا فیصلہ پاکستان کرکٹ بورڈ کے ہاتھ میں ہے۔ اس میں شک نہیں کے اس نئے فیصلے سے میرا کافی بوجھ ہلکا ہوا ہے اور میں زیادہ بہتر طور پر ٹیسٹ اور ون ڈے کرکٹ پر اپنی توجہ مرکوز کر سکوں گا۔ لیکن اگر آپ کرکٹ سے لطف اندوز ہوتے ہیں تو آپ تینوں طرز کے کھیل سے خوش اسلوبی سے عہدہ بر آ ہو سکتے ہیں۔
مشابہ تحاریر:
حفیظ کی توجہ دورۂ سری لنکا کے بجائے آئی پی ایل پر

Posted: May 19th, 2012, 4:47pm by شہاب نفیس
پاکستان نے چند روز قبل محمد حفیظ کو ٹی ٹوئنٹی ٹیم کو کپتان بنانے کا اعلان کر کے مستقبل میں قیادت کے حوالے سے ممکنہ مسائل کو حل کرنے کے لیے عمل کا آغاز کیا اور بیشتر حلقوں کی جانب سے حفیظ کی تقرری کو مناسب قدم قرار دیا گیا لیکن کپتان بننے کے بعد انہوں نے پاکستانی کھلاڑیوں کی صلاحیتوں میں تیزی سے اضافہ نہ ہونے کا سبب آئی پی ایل سے محرومی کو قرار دے کر ایک متنازع بیان داغ ڈالا ہے۔اس امر میں تو کوئی بہ نہیں کہ آئی پی ایل،انڈین پریمیئر لیگ کم اور انٹرنیشنل پیسہ لیگ زیادہ ہے اور کئی جانے مانے ماہرین تو یہ کہتے ہیں کہ گزشتہ ڈیڑھ سال میں پاکستانی کرکٹ ٹیم کے کھیل میں جو نکھار آیا ہے اس کی بہت بڑی وجہ آئی پی ایل نہ کھیلنا بھی ہے۔ لیکن اس کے باوجود نئے نویلے کپتان کا ایسا بیان دینا ان کی پیشہ ورانہ ذہنی سطح کو ظاہر کر رہا ہے۔

ہم صرف پریکٹس میچ کے سہارے ہیں، دیگر کھلاڑی آئی پی ایل کھیل کر بھرپور فارم میں ہیں: محمد حفیظ کا شکوۂ بے جا (تصویر: AP)

قذافی اسٹیڈیم لاہور میں قومی کرکٹ ٹیم کے تربیتی کیمپ کے دوران معروف کرکٹ ویب سائٹ کرکٹ انفو سے گفتگو کرتے ہوئے کہا تھا کہ اب صرف پریکٹس میچز کے بل بوتے پر ہی ہمیں مخالف ٹیم کا سامنا کرنا ہوگا تاہم ٹیم بھرپور محنت کر رہی ہے اور ہم سری لنکا میں اچھی کارکردگی کا مظاہرہ کرنے کے لئے پرامید ہے۔

محمد حفیظ کا کہنا تھا کہ ہم تقریباً دہ ماہ سے بین لاقوامی کرکٹ حتیٰ کہ ٹی ٹوئنٹی سےبھی محروم ہیں ، جبکہ دیگر ٹیموں سے ہمارا موازنہ کیا جائے تو ایک فرق واضح نظر آئے گا کہ وہ سب آئی پی ایل میں موجود ہیں اور مشکل سے مشکل حالات میں کھیل کر اپنی صلاحیتوں کو تقویت دے رہے ہیں جبکہ ہمارے کھلاڑی ایسے مواقع سے محروم ہیں۔ اس تربیتی کیمپ کے اہتمام کا مقصد ہی یہ ہے کہ کھلاڑیوں کو جلد از جلد اپنی کارکردگی بحال کرنے کا موقع مل سکے۔

پاکستان کے کھلاڑیوں نے صرف ایک مرتبہ انڈین پریمیئر لیگ میں شرکت کی ہے جب اس کے پہلے سیزن 2008ء میں پاکستان کے کئی کھلاڑیوں نے مختلف ٹیموں کی نمائندگی کی تھی اور خود محمد حفیظ کولکتہ نائٹ رائیڈرز کی جانب سے کھیلے تھے۔ اس کے بعد پاک-بھارت سیاسی و کرکٹ تعلقات میں سردمہری آنے کی وجہ سے روایتی حریف کے درمیان ہر سطح کی کرکٹ کا خاتمہ ہو گیا۔ لیکن سری لنکا کے کمار سنگاکارا، مہیلا جے وردھنے، لاستھ ملنگا، تلکارتنے دلشان اور اینجلو میتھیوز جیسے تجربہ کھلاڑی ہر سال کی طرح اس مرتبہ بھی آئی پی ایل میں ایکشن میں نظر آ رہے ہیں۔

محمد حفیظ نے ٹی ٹوئنٹی مرحلے میں سینئر کھلاڑیوں کی عدم موجودگی کے باوجود اس عزم کا اظہار کیا کہ پاکستانی ٹیم بھرپور نتائج دے گی۔ انہوں نے کہا کہ مصباح الحق اور یونس خان کی عدم موجودگی کے باوجود ٹیم میں بھرپور صلاحیت موجود ہے کہ اس سے مثبت نتائج کی توقع رکھی جائے۔ ٹیم میں نئے کھلاڑی بھی ہيں اور ایسے بھی جن کو ایک مرتبہ پھر اپنی صلاحیتوں کے اظہار کا موقع مل رہا ہے اور سب ہی کسی نے کسی شعبے میں اچھی کارکردگی کا مظاہرہ کرتے رہے ہیں۔ خاص طور پر مصباح الحق نے ٹیم میں جو ماحول ترتیب دے دیا ہے اس سے ہمیں کافی فائدہ ہوگا۔

پہلی بار قومی کرکٹ ٹیم کی قیادت کی بھاری ذمہ داری نبھانے والے محمد حفیظ کا کہنا تھا کہ ہمیں پورا اندازہ ہے کہ سری لنکا میں کھیلنا سخت محنت کا متقاضی ہے، اس لیے ہم کھلاڑیوں کی کمبی نیشن کے بارے میں قبل از وقت کوئی فیصلہ نہیں کریں گے۔ ہماری پوری کوشش ہوگی کہ بھرپور مشق اور میدان میں جان توڑ محنت کے ذریعے اپنی کارکردگی پیش کریں۔

پاکستان کرکٹ ٹیم کی قیادت کا معاملہ انگریزی محاورے کے مصداق ہمیشہ ”گرم آلو“ پکڑنے جیسا رہا ہے۔ اس لیے محمد حفیظ کو بہت احتیاط کے ساتھ اپنے بیانات دینا ہوں گے۔ دیکھنا ہے کہ ذرائع ابلاغ کے روبرو اس فریضے کو کیسے نبھاتے ہیں اور سب سے اہم یہ کہ عملی میدان میں ان کی انفرادی و اجتماعی کارکردگی کیسی رہتی ہے؟۔
مشابہ تحاریر:

آپنا ڈیرا ، منیر احمد

صرف پندرہ سیکنڈ

Posted: May 18th, 2012, 2:52pm by Taha Munir

جب یہ جواب آیا "تو سب لوگ پاکستان چھوڑ کے چلے کیوں نہیں جاتے" تو سی این این کی انتہائی حاضر دماغ اینکر "بیکی انڈرسن" کی زبان، چہرے پر حیرت اور نفرت کے ملے جلے جذبات کے ساتھ بند ہو گئی۔ تو سبھی سوچ رہے تھے کہ مسٹر گیلانی کو شاید احساس ہوا ہو اور اب وہ اپنی بات میں تھوڑی اصلاح کریں گے تو پاکستانی قوم کے زخمی چہرے پر ایک اور زناٹے دار تھپڑ رسید ہوا اور الفاظ کچھ یوں ادا ہوئے۔ "انہیں روکا کس

صریرِ خامۂ وارث

لطف وہ عشق میں پائے ہیں کہ جی جانتا ہے - داغ دہلوی

Posted: May 18th, 2012, 2:30pm

فصیح الملک نواب مرزا خان داغ دہلوی کی ایک انتہائی مشہور اور معروف غزل

لطف وہ عشق میں پائے ہیں کہ جی جانتا ہے
رنج بھی ایسے اٹھائے ہیں کہ جی جانتا ہے

جو زمانے کے ستم ہیں ، وہ زمانہ جانے
تو نے دل اتنے ستائے ہیں کہ جی جانتا ہے

مسکراتے ہوئے وہ مجمعِ اغیار کے ساتھ
آج یوں بزم میں آئے ہیں کہ جی جانتا ہے

انہی قدموں نے تمھارے انہی قدموں کی قسم
خاک میں اتنے ملائے ہیں کہ جی جانتا ہے

داغ دہلوی, Daagh Dehlvi

تم نہیں جانتے اب تک یہ تمہارے انداز
وہ مرے دل میں سمائے ہیں کہ جی جانتا ہے

سادگی، بانکپن، اغماض، شرارت، شوخی
تو نے انداز وہ پائے ہیں کہ جی جانتا ہے

دوستی میں تری درپردہ ہمارے دشمن
اس قدر اپنے پرائے ہیں کہ جی جانتا ہے

کعبہ و دیر میں پتھرا گئیں دونوں آنکھیں
ایسے جلوے نظر آئے ہیں کہ جی جانتا ہے

داغِ وارفتہ کو ہم آج ترے کوچے سے
اس طرح کھینچ کے لائے ہیں کہ جی جانتا ہے

(داغ دہلوی)

------

بحر - بحرِ رمل مثمن مخبون محذوف مقطوع

افاعیل - فاعِلاتُن فَعِلاتُن فَعِلاتُن فَعلُن
(پہلے رکن فاعلاتن کی جگہ مخبون رکن فعلاتن بھی آسکتا ہے، آخری رکن فعلن کی جگہ فعلان، فَعِلن اور فَعِلان بھی آسکتا ہے یوں آٹھ وزن اکھٹے ہو سکتے ہیں)

اشاری نظام - 2212 / 2211 / 2211 / 22
ہندسوں کو اردو کی طرز پر دائیں سے بائیں پڑھیے۔ یعنی 2212 پہلے ہے اور اس میں بھی 12 پہلے ہے۔
(پہلے 2212 کی جگہ 2211 اور آخری 22 کی جگہ 122، 211 اور 1211 بھی آ سکتا ہے)

تقطیع -

لطف وہ عشق میں پائے ہیں کہ جی جانتا ہے
رنج بھی ایسے اٹھائے ہیں کہ جی جانتا ہے

لطف وہ عش - فاعلاتن - 2212
ق مِ پائے - فعلاتن - 2211
ہِ کِ جی جا - فعلاتن - 2211
ن تَ ہے - فَعِلن - 211

رنج بی اے - فاعلاتن - 2212
سِ اٹائے - فعلاتن - 2211
ہِ کِ جی جا - فعلاتن - 2211
ن تَ ہے - فَعِلن - 211
-----------

اور یہ غزل ملکہٴ ترنم میڈم نورجہاں کی خوبصورت آواز میں

طفل مکتب

قصہ بالغ درویشوں کا

Posted: May 18th, 2012, 8:36am by منیر عباسی

سگریٹ کے دھوئیں سے آلودہ اس کمرے میں خاموشی سی چھاگئی تھی۔ پہلا درویش فیس بک پر مختلف لوگوں کی پروفائلوں میں موجود تصویریں دیکھ کر خاموشی سے آگے بڑھ جاتا۔ وہ کچھ دیر قبل ہی بقیہ دونوں درویشوں کی آمد...

طفل مکتب کی تحریر کا یہ اقتباس آپ مکمل شکل میں وہیں ملاحظہ فرما سکتے ہیں۔

کائنات بشیر کا بلاگ

درد

Posted: May 18th, 2012, 3:34am by Kainat Bashir

Filed under: میری شاعری Tagged: اشکبار، مسکراہٹ، حال، غمخوار

تحریم کا بلاگ

احکامِ حجاب اور غامدی (حصہ دوم)

Posted: May 18th, 2012, 3:13am by ارتقاءِ حيات

گزشتہ سے پیوستہ سورہ احزاب کے احکام حجاب کا انکار: سورہ احزاب میں سب سے پہلے پردے کے احکام نازل ہوئے جس پر صحابہ کرام سے لے کر اب تک تمام علماء کا اجماع ہے یہاں تک کہ امین احسن اصلاحی صاحب جن کو غامدی صاحب اپنا استاد مانتے ہیں وہ بھی سورہ احزاب کی [...]

حیدرآبادی

پاکستان : کرپٹ سیاستداں ، بےحس قوم

Posted: May 18th, 2012, 8:23pm

معذرت خواہ ہوں!
ہندوستان / پاکستان کے تعلقات ، تنازعات پر گفتگو کرنا غالباً پل صراط پر چلنے کے برابر ہے۔ اسلیے طویل صحافتی تجربے کے باوجود گریز کی راہ اپنانا ہی ہم نے بہتر سمجھا ہے ، بلاگ کی تمام پچھلی تحاریر گواہ ہیں۔
لیکن ۔۔۔ اس مراسلے کا عنوان بھی خود ہمارا اپنا منتخب کردہ نہیں ہے ۔۔۔ بلکہ جاوید چودھری کا ہفتہ وار کالم بعنوان "مرن دا شوق" جیسے ہی آج مطالعے سے گزرا ۔۔۔

اور اس سے قبل روزنامہ اردو نیوز (سعودی عرب ، 18/مئی 2012ء) کی یہ خبر جوں ہی پڑھنے کو ملی ۔۔۔۔۔ :
***

ہند نے 3 پاکستانی دریاؤں پر 7 ڈیمز بنانے کی تیاری شروع کر دی
اسلام آباد (آن لائن)۔ ہند نے سندھ طاس معاہدے کی خلاف ورزی کرتے ہوئے 3 پاکستانی دریاؤں پر 7 ڈیم بنانے کی تیاری شروع کر دی ہے۔ اقوام متحدہ کی جانب سے 700 ملین ڈالر کاربن کریڈٹ حاصل کرنے کے بعد پاکستانی کو خشکی اور پانی کی قلت میں دھکیلنے والے اس ہندوستانی منصوبے کو قانونی حیثیت مل جائے گی۔ یہ انکشاف اقوام متحدہ کی دستاویزات میں کیا گیا ہے۔ موسمی تبدیلی کے بارے میں اقوام متحدہ کی اس دستاویز میں یہ منصوبے کلین ڈیولپمنٹ میکنزم پروجیکٹ ڈیزائن ڈاکیومنٹ کے نام سے شامل ہیں۔ کاربن کریڈٹ ایک تجارتی سرٹیفکیٹ یا اجازت نامہ ہے۔ ہر کاربن کریڈٹ کی موجودہ اسپاٹ ریٹ پر اوپن مارکٹ میں خرید و فروخت کی جا سکتی ہے۔
جب اس حوالے سے وزیر اعظم پاکستان کے ایڈوائزر برائے پانی و بجلی ، کمال مجید اللہ سے رابطہ کیا گیا تو ان کا کہنا تھا کہ : وہ اس صوررتحال سے آگاہ ہیں تاہم انہوں نے اس پر فوری کوئی موقف دینے سے گریز کیا۔

***
ویسے ہی اچانک ذہن کے کسی گوشے سے یہ عنوان:
"پاکستان : کرپٹ سیاستداں ، بےحس قوم"
نکل کر قلم کی نوک پر وارد ہو گیا ! ایک بار پھر معذرت !!

ہمیں یاد ہے کہ برسوں قبل لڑکپن میں ہم جب اپنے اسکول میں تقریباً ہر ہم جماعت سے یہ سنتے تھے کہ ہمارا فلاں فلاں رشتہ دار پاکستان میں ہے ۔۔۔ تو ایک دن جھلا کر اپنے نانا (اب مرحوم !) سے پوچھ لیا تھا کہ : پھر ہمارا کوئی رشتہ دار پاکستان میں کیوں نہیں ہے؟
بزرگوار کا جواب (معنی خیز مسکراہٹ کے ساتھ) : ہم میں سے کسی نے ہجرت نہیں کی!
لڑکے کا سوال : کیوں ؟
بزرگانہ مشفقانہ جواب : تم جب بڑے ہو جاؤ گے تو اس کا جواب تمہیں خود بخود مل جائے گا!

اور اب ۔۔۔ زائد از ایک چوتھائی صدی بعد ۔۔۔
لڑکے کو اپنے سوال کا جواب مل چکا ہے !!

ایک بار پھر معذرت !!

کرک نامہ

ٹی ٹوئنٹی ورلڈ کپ تک ٹیم میں شمولیت میرا ہدف ہے: عمران نذیر

Posted: May 18th, 2012, 7:58pm by احمد جٹ
پاکستان نے سرزمینِ لنکا پر آخری مرتبہ 2009ء میں میزبان ٹیم کے خلاف واحد ٹی ٹوئنٹی مقابلہ 52 رنز سے جیتا تھا۔ اس میچ میں ’مار دھاڑ‘ کے حوالے سے شہرت رکھنے والے پاکستانی اوپنر عمران نذیر نے محض 28 گیندوں پر 40 رنز کی اننگز تراشی تھی جس میں 5 چوکے اور ایک چھکا بھی شامل تھا۔ عمران نذیر جو بدقسمتی سے اس مرتبہ بھی قومی ٹیم میں جگہ حاصل نہیں کرسکے، پاکستانی ٹیم کے لیے دعاگو ہیں کہ وہ اس مرتبہ بھی سری لنکا کو محدود اوورز کی سیریز میں دبوچنے میں کامیاب رہے گی۔ عمران نذیر نے ان خیالات کا اظہار کرک نامہ کو دیئے گئے خصوصی انٹرویو میں کیا۔

عمران نذیر پاکستان کے آخری دورۂ سری لنکا میں قومی ٹیم کا حصہ تھے (تصویر AFP)

عمران نذیر، جنہیں ٹی ٹوئنٹی کرکٹ کے لیے موزوں ترین کھلاڑی سمجھا جاتا ہے، حال ہی میں بنگلہ دیش پریمیئر لیگ میں اپنی بلےبازی کے جوہر دکھا چکے ہیں لیکن اس کے باوجود وہ سلیکٹرز کا اعتماد حاصل کرنے میں طویل عرصے سے ناکام ہیں۔ لیکن ان کا کہنا ہے کہ وہ اس صورتحال سے بھی مایوس نہیں ہیں، ہمیشہ سخت محنت کے ذریعے دوبارہ گرین شرٹ پہنے کے لیے کوشاں رہتے ہیں۔ عمران نذیر کا کہنا تھا کہ میرا ہدف ہے کہ رواں سال سری لنکا میں ہونے والے ورلڈ ٹی ٹوئنٹی 2012ء میں پاکستانی اسکواڈ میں شامل ہوجاؤں۔

عمران نذیر کا کہنا تھا کہ میں جانتا تھا کہ ٹی ٹوئنٹی ’فوری کارروائی‘ کا کھیل ہے اس لیے کامران اکمل کے جلد آؤٹ ہوجانے کے بعد خود پریشر لینے کے بجائے اپنے جارحانہ کھیل سے سری لنکن ٹیم کو دباؤ میں لینے کی حکمت عملی ترتیب دی اور میں اس میں کافی حد تک کامیاب بھی رہا۔ میرے 40 اور بعد ازاں شاہد آفریدی کے شاندار 50 رنز کی بدولت پاکستان نے اس میچ میں 172 رنز بنائے۔ جس کے بعد رانا نوید الحسن اور سعید اجمل کی تباہ کن باؤلنگ کے باعث ہم وہ میچ بآسانی 52 رنز سے جیتنے میں کامیاب رہے۔

عمران نذیر، جو سری لنکا میں پاکستان کی نمائندگی کرچکے ہیں اور سری لنکن وکٹوں سے واقفیت بھی رکھتے ہیں، کا کہنا تھا کہ پاکستان اور سری لنکا کا موسم ایک جیسا ہے تاہم وہاں ہوا میں نمی کا تناسب زیادہ ہے، جس وجہ سے کھلاڑیوں کو زیادہ جدوجہد کرنا پڑتی ہے۔ کیونکہ پاکستان و سری لنکا کی وکٹوں میں بھی کافی یکسانیت ہے اس لیے وہاں کی وکٹیں پاکستانی بلے بازوں کو زیادہ پریشان نہیں کریں گی اور جیسا کہ میں ہمیشہ سے مانتا آیا ہوں کہ ٹی ٹوئنٹی صورتحال کا فوری اندازہ لگانے اور اسی وقت جوابی کارروائی کرنے کا کھیل ہے، اس لیے یقیناً پاکستانی ٹیم حریف سائیڈ کو مدنظر رکھتے ہوئے مکمل تیاری کے ساتھ میدان میں اترے گی اور فتح کے لیے یہی سب سے موثر فارمولا ہے۔ عمران نذیر کا کہنا تھا کہ ذرائع ابلاغ سے معلوم ہو رہا ہے کہ قومی ٹیم ڈیو واٹمور کی زیر تربیت سخت محنت کررہی ہے اور پریکٹس میچز بھی کھلاڑیوں کو حریف سے نمٹنے کے لیے تیاری میں کافی مدد دیں گے۔

محدود اوورز کی کرکٹ کے ابتدائی معرکے میں کون سی ٹیم فیورٹ ہوگی؟ اس حوالے سے عمران نذیر نے کوئی نتیجہ اخذ کرنے کو قبل از وقت قرار دیا تاہم اُن کا کہنا تھا کہ دونوں ٹیمیں نوجوان کھلاڑیوں پر مشتمل ہیں، اس لیے ٹی ٹوئنٹی سیریز کی پیش گوئی کرنا تو فی الحال مشکل ہے تاہم یہ بات یقینی نظر آتی ہے کہ مقابلہ کانٹے کا ہوگا اور بطور پاکستانی کھلاڑی میری نیک خواہشات قومی کرکٹ ٹیم کے ساتھ ہوں گی۔عمران نذیر کا کہنا تھا سعید اجمل ہمیشہ کی طرح پاکستان کے لیے ’ترپ کا پتہ‘ ثابت ہوں گے جو سری لنکن بیٹسمینوں کے لیے مشکلات کھڑی کرسکتے ہیں۔

پاکستانی بلے بازوں کے حوالے سے بھی عمران نذیر نے محتاط رویہ اپناتے ہوئے کہا کہ ہمارے بلے باز نوجوان ہیں اور ڈومیسٹک میں ان کی کارکردگی بھی سب کے سامنےہے، اب بین الاقوامی مقابلوں میں وہ یقینی طور پر اپنی فارم کو برقرار رکھیں گے۔

پاکستان کے دورۂ سری لنکا کا باضابطہ آغاز یکم جون کو ہمبنٹوٹا میں پہلے ٹی ٹوئنٹی بین الاقوامی مقابلے سے ہوگا جس کے بعد دونوں ٹیمیں 5 ایک روزہ اور 3 ٹیسٹ میچز کھیلیں گی۔
مشابہ تحاریر:

وهاب اعجاز

اردو ادب کا دکنی دور

Posted: May 18th, 2012, 6:18pm

اردو ادب کا دکنی دور

کرک نامہ

ہانگ کانگ کے نائب کپتان مصباح الحق سے ملنے کے خواہاں

Posted: May 18th, 2012, 5:03pm by احمد جٹ

سرزمینِ پاکستان میں ہونے والا آخری اہم ٹورنامنٹ ایشیا کپ 2008ء تھا جس میں ہانگ کانگ کی ٹیم نے بھی حصہ لیا تھا، گو کہ اس کے کچھ عرصہ بعد ہی پاکستان لاہور میں دہشت گرد حملے کے باعث عرصے کے لیے بین الاقوامی کرکٹ سے محروم ہو گیا لیکن ہانگ کانگ کی ٹیم کے چند اراکین ایک مرتبہ پھر کراچی میں چیمپئنز لیگ نامی ٹورنامنٹ کے لیے پاکستان آ گئے ہیں جن میں نجیب امر بھی شامل ہیں۔

نجیب امر کی زیر قیادت ہانگ کانگ نے ورلڈ کرکٹ لیگ ڈویژن 2 ٹرافی بھی جیت رکھی ہے (تصویر: HKCA)

ڈیرہ غازی خان میں پیدا ہونے والے نجیب امر مذکورہ ایشیا کپ میں تبارک ڈار کی زیر قیادت کراچی آنے والی ٹیم کا حصہ تھے اور بطور نائب کپتان انہوں نے ہانگ کانگ کی نمائندگی کی تھی۔ اب وہ ہانگ کانگ نیشنل اکیڈمی کی کرکٹ ٹیم کے ساتھ ’روشنیوں کے شہر‘ میں آئے ہیں اور کراچی کے بین الاقوامی ہوائی اڈے پر کرک نامہ سے خصوصی گفتگو کرتے ہوئے پرانی یادوں کو بھی تازہ کیا اور پاکستان میں بین الاقوامی کرکٹ کی جلد واپسی کی خواہش بھی ظاہر کی۔

نجیب امر کا کہنا تھا کہ 2008ء میں ہانگ کانگ کی قومی کرکٹ ٹیم کے ساتھ ایک بہت بڑا ٹورنامنٹ کھیلنے پاکستان آئے تھے، جس میں میزبان ٹیم کے علاوہ بھارت اور سری لنکا جیسے مضبوط حریفوں کا بھی سامنا تھا۔ تاہم ایشیا کپ میں ہماری کارکردگی اچھی رہی اور مجھے یاد ہے کہ بھارت کے خلاف مقابلے میں میں نے اچھی باؤلنگ کی تھی۔

ہانگ کانگ کی قیادت کے فرائض بھی انجام دینے والے نجیب امر کا کہنا تھا کہ "ہانگ کانگ کی ٹیم ماضی میں بھی پاکستان کی نیشنل کرکٹ اکیڈمی میں تربیت لے چکی ہے، اور اب اُن کی خواہش ہے کہ اگر پاکستان کے ساتھ ہانگ کانگ کی ٹیم کو کوئی میچ کھیلنے کا موقع ملے تو یقیناً یہ ہانگ کانگ کے بین الاقوامی کیریئر کے لیے سود مند ثابت ہوگا۔" پاکستانی کرکٹ ٹیم آجکل دورۂ سری لنکا کی تیاریوں میں مصروف ہے، جہاں وہ اگلے ماہ سے طویل و محدود طرز کی کرکٹ کھیلے گی۔

نجیب امر ماضی میں پاکستان کے ڈومیسٹک سرکٹ میں سروسز انڈسٹریز کی جانب سے کھیلتے رہے ہیں۔ انہوں نے بتایا کہ پاکستان کے ٹیسٹ و ایک روزہ کپتان مصباح الحق بھی ان کے ساتھ طویل عرصے تک سروسز کی ٹیم میں رہے ہیں، اب جبکہ میرا دوست پاکستان ٹیم کی قیادت سنبھال چکا ہے، تو میری خواہش ہے کہ ایک مرتبہ پھر اس سے ضرور ملوں۔ جس میں ماضی کی یادوں کو دہرانے کے علاوہ اپنے بین الاقوامی کیریئر کے حوالے سے چند مفید ٹپس بھی لوں، جو انفرادی حیثیت میں صرف میرے ہی نہیں، بلکہ ہانگ کانگ کی ٹیم کے بھی کام آئیں۔

انہوں نے پاکستان کو مکمل طور پر محفوظ ملک قرار دیتے ہوئے کہا کہ یہاں کھیلوں کو کسی قسم کے خطرات لاحق نہیں ہیں، جس طرح ہم یہاں آکر خود کو بہت محفوظ سمجھ رہے ہیں اسی طرح دیگر بین الاقوامی کرکٹ ٹیموں کو بھی پاکستان آنا چاہیے تاکہ یہاں پر میدانوں کی رونقیں بحال ہو سکیں۔

واضح رہے ہانگ کانگ کی نیشنل کرکٹ اکیڈمی کی ٹیم میں چار ایسے کھلاڑی بھی پاکستان آئے ہیں جو 2008ء میں پاکستان میں ہونے والےا یشیا کپ میں ہانگ کانگ کی ٹیم میں شامل تھے۔
مشابہ تحاریر:

افتخار اجمل بھوپال

بندہ حاضر

Posted: May 18th, 2012, 4:42pm by افتخار اجمل بھوپال

درست طریقہ تو خدمتگار سے خدمتگار (server to server) سب کچھ مُنتقل کرنا ہے لیکن بجلی کی آنکھ مچولی کے سبب سوچا کہ اسے اپنے کمپیوٹر پر اُتار (download) لیا جائے ۔ خیال تھا کہ 9 مئی کو ڈاؤن لوڈ شروع ہو جائے گا مگر ہو نہ سکا کیونکہ وفاقی وزیر برائے بجلی کے اعلان کہ “غیر اعلانیہ لوڈ شیڈنگ اب نہیں ہو گی” بجلی بغیر اعلان زیادہ جانی شروع ہو گئی ۔ اس ناکامی سے فائدہ اُٹھاتے ہوئے 12 مئی کو ایک تحریر شائع کر ڈالی ۔ اسی دوران نئے خدمتگار کے انتخاب کیلئے ماہرین سے مشورے بھی جاری رہے ۔ پھر غیر ملک میں مقیم ایک مہربان سے درخواست کی کہ وہ ہمارا کام کر دیں ۔ اُنہوں نے ہدائت کر دی کہ پہلے ہم سب کچھ کا اپنے کمپیوٹر پر محفوظہ اُتار (backup download) لیں ۔ یہ کام وقفے وقفے سے کافی ذہنی اور جسمانی کوفت سے مکمل ہوا جس کے بعد اُن صاحب کو مطلع کیا گیا کہ منتقلی کا کام شروع کریں ۔ اس طرح توقع سے کچھ دن زیادہ ہی لگ گئے ہیں

کہتے ہیں خالی بیٹھے شیطان سوجھے سو میں نے خالی بیٹھنا سیکھا ہی نہیں ۔ متذکرہ دنوں میں بلاگ کو نہ چھیڑنے کا عہد تھا ۔ سوچا اب میں کیا کروں ؟

پہلا کام ۔ میں نے مختلف ذرائع سے تفتیش کی کہ بجلی جاتی کہاں ہے ؟ نتیجہ میں دھماکہ خیز کوائف مل گئے لیکن اس کا بیان پھر کسی دن
دوسرا کام ۔ کمپیوٹر اور مانیٹر کیلئے علیحدہ علیحدہ یو پی ایس لگائے ہوئے ہیں ۔ مانیٹر والے یو پی ایس میں نئی بیٹری ڈالنے کے بعد وہ 10 منٹ تک چلتا ہے پھر کم ہوتے ہوتے تین چار ماہ بعد اِدھر بجلی گئی اُدھر پھڑک سے مانیٹر بند ۔ کبھی کوئی فائل برباد کبھی ونڈوز کا بیڑہ غرق ۔ سوچا کہ بجلی کا بند ہونا تو میں روک نہیں سکتا کچھ اپنا ہی بندوبست کیا جائے ۔ تحقیق شروع کی تو معلوم ہوا کہ ایل ای ڈی مانیٹر اسلام آباد میں آ گئے ہیں ۔ دل پر پتھر رکھ کر اپنے پیارے دیرینہ ساتھی فِلِپس کے 17 انچ کے چپاٹ (flat) مانیٹر 107ای 5 (resolution 1024X768) کی فُرقت اور اپنے زر کو آگ لگانے کا فیصلہ کیا اور نئے زمانے کی طرح ہرجائی بنتے ہوئے اے او سی کے 20 انچ الٹرا سلِم (ultra slim) ایل ای ڈی مانیٹر (resolution 1600X900) سے دوستی کا ارادہ کیا ۔ ملاحظہ ہو
.

آئی ٹی نامہ - ITnama.com

گوگل کا نالج گراف پراجیکٹ ، مزید بہتر اور موثر سرچ

Posted: May 18th, 2012, 3:37pm by محمد زھیر چوھان
گوگل کی جانب سے حال ہی میں اپنے سرچ انجن کو مزید بہتر بنانے کے لیے نالج گراف پراجیکٹ متعارف کروایا گیا ہے۔ اس نئے نظام کے تحت اب انگریزی زبان میں کی جانے والی سرچ ایک نئے انداز میں پیش کی جائے گی، جس میں گوگل آپ کو تلاش کیے گئے لفظ سے ملتے جلتے الفاظ کا مشورہ دے گا، کیونکہ اکثر ایسا ہوتا ہے کہ ایک ہی لفظ کے کئی مطلب ہوتے ہیں یا ایک ہی نام کی کئی مشہور شخصیات ہوتی ہیں ۔ نالج گراف پراجیکٹ کے ذریعے اگر آپ کسی مشہور شخصیت یا جگہ کے بارے میں سرچ کر رہے ہیں تو آپکو اسکی سمری دائیں جانب دکھائی جائے گی اور اس سے ملتے جلتے افراد کی فہرست بھی فراہم کی جائے گی۔

گوگل سرچ کے سربراہ ششی ٹھاکر کا کہنا ہے کہ ہماری کوشش ہے کہ گوگل سرچ کو اس طرز پر ترتیب دیا جائے کہ یہ بالکل انسانوں کی طرح سوچے، ہم اس پراجیکٹ کو مزید بہتر بنانے کی کوشش کر رہے ہیں تاکہ یہ براہ راست پوچھے گئے سوالات کے جواب بھی دے سکے۔ گوگل کے اس نظام کے تحت فراہم کی جانے والی سمری کی بدولت اب آپ کو کسی بھی شخصیت یا جگہ سے متعلق بنیادی معلومات حاصل کرنے کے لیے وکی پیڈیا یا دیگر ویب سائیٹس پر جانے کی ضرورت ہی نہیں پڑے گی اور گوگل کی جانب سے آپ کو تمام معلومات اسی صفحہ پر فراہم کر دی جائیں گی۔

گوگل نالج گراف میں فی الوقت کم و بیش 500 ملین چیزوں کی معلومات موجود ہیں اور انکے درمیان 3.5 ملین مختلف تعلقات موجود ہیں۔ گوگل کی جانب سے اعلان کیا گیا ہے کہ جلد نالج گراف کے نظام کو موبائل فونز ، ٹیبلیٹس اور دیگر زبانوں کے لیے بھی متعارف کروایا جائے گا۔

نالج گراف کے بارے میں مزید جاننے کے لیے یہ ویڈیو ملاحظہ فرمائیں:
مزید دلچسپ تحاریر

یاسر جاپانی

بتوں سے امیدیں

Posted: May 17th, 2012, 11:12am by یاسر خوامخواہ جاپانی

ملکہ محل کی بالکونی سے کیڑے مکوڑوں کو ذلت کی انتہا میں بھوک سے بلبلاتے دیکھ کربولی تھی۔

اگر ان کیڑے مکوڑوں کو روٹی نہیں ملتی تو یہ کیک کیوں نہیں کھاتے!

اعلی حضرت کو جب قبیلے کا سردار بننا نصیب ہوا تو۔۔۔۔۔۔۔۔۔

وعدے وعید پر لعنت بھیج کو بولا تھا۔۔

مسلمان کی زبان قرآن و حدیث نہیں ہوتی۔۔

قول قرار کی پختگی تو اہل جہنم کی میراث ہوتی ہو گی( اللہ معافی)

سردار کا چیلا طنزیہ مسکراہٹ سے بولا۔۔۔۔

جس کی جان و مال ، عزت و عصمت محفوظ نہیں وہ کفار کی پناہ میں چلے کیوں نہیں جاتے!!

انہیں کس نے روکا ہے؟۔۔۔( کہنے میں کوئی ڈر نہیں ۔۔۔۔۔کفار کے ساتھ رہ کرایمان تک محفوظ ہے)

ان کے باپ دادا اللہ کے انتہائی محبوب اور نیک مسلمان تھے کہ

ان باپ دادا کی قبر کی مجاوری کرکے کیڑے مکوڑوں سے تاوان وصول کرکے برانڈڈ سوٹ اور ٹائیاں پہنی جاتی ہیں!

کرپشن نہیں تو ۔۔۔۔۔۔۔۔۔۔۔۔۔باپ دادا کی قبر پرستی کروانے کے علاوہ کوئی کاروبار ہے؟(انگریز کی اطاعت کرنے کا انعام جاگیر تو ہو گی )

کیڑے مکوڑے۔۔۔۔۔۔حشرات العرض۔۔۔۔۔۔۔۔۔۔۔

اللہ کو چھوڑ کر شخصیت پرستی کریں گے تو ۔۔۔۔کیا حال ایسا نا ہو گا؟

مذہب کے نام پر بیوقوف بنا دیئے جاتے ہیں تو۔۔۔

کسی سیاسی فرد کی شخصیت پرستی میں دیوانے ہوئے جاتے ہیں۔

کسی سیاسی لیڈر پر تنقید کردو تو ایسی جگہ لے جاکر ماریں گے کہ پانی بھی نا ملے۔۔۔

مذہب پرستی ۔۔۔۔

تیرے سوا سب کافر اس کا مطلب کیا

سر پھرا دے انساں کا ایسا خبط ِمذہب کیا(میر)

کیسی امید یں ۔۔کیسا مستقبل۔۔۔

خدا سے نا امید ی ۔۔بتوں سے امیدیں۔

آپنا ڈیرا ، منیر احمد

اب فیصلہ آپ کے ہاتھ میں ہے

Posted: May 17th, 2012, 4:43am by Taha Munir

اگر پاکستان ملک کی بجائے ایک بہت بڑی پرائیویٹ کمپنی ہو تو آپ کس کو اس کا ڈائیرکٹر لگانا پسند کریں گے۔ آصف علی زرداری تعلیم انڈر میٹرک (کراچی) کرپشن میں ورلڈ ریکارڈ پاکستان سے بھاری رقوم باہر لے گئے یوکے اور پاکستان کی دوہری شہریت چار سال میں ملک کا کباڑہ کر دیا اسفند یار ولی تعلیم بی اے (ہشاور) تین نسلوں سے پاکستان کے خلاف کرپشن، غنڈہ گردی وجہ شہرت قوم پرست اور اسلام کے

کرک نامہ

باصلاحیت اسپن باؤلرز کی ملک گیر تلاش کا آغاز اگلے ماہ

Posted: May 17th, 2012, 1:39am by احمد جٹ
پاکستان کرکٹ بورڈ نے تیز گیند بازوں کے ساتھ ساتھ ملک بھر سے اسپن باؤلنگ کے ’غیر تراشیدہ ہیروں‘ کی تلاش کا بھی عزم کرلیا ہے اور اس مشن کی ذمہ داری لیجنڈری لیگ اسپنر عبدالقادر کو سونپی جارہی ہے۔ آئندہ ماہ عبدالقادر نگری نگری گھوم کر پاکستان کے لیے نئے اسپن گیند باز تلاش کریں گے۔ اس سے قبل پاکستان، جو دنیا بھر میں تیز گیند بازوں کا دیس سمجھا جاتا ہے، کے گلی کوچوں میں تیز باؤلرز کی تلاش ریورس سوئنگ کے موجد سرفراز نواز کے سپرد کی گئی تھی اور وہ بھی عبد القادر ہی کی طرح اپنی مہم کا آغاز آئندہ ماہ کریں گے۔

لیجنڈری اسپنر عبد القادر اگلے ماہ سے اسپنرز کی تلاش شروع کریں گے، تیز گیند بازوں کی تلاش کا فریضہ سرفراز نواز انجام دیں گے (تصویر: AFP)

عبدالقادر نے ’کرک نامہ‘ سے خصوصی گفتگو کرتے ہوئے تصدیق کی کہ اس بارے میں چیئرمین کرکٹ بورڈ ذکا اشرف سے بات ہوئی تھی، جنہوں نے اس مشن کے لیے ’ہری بتی‘ دکھا دی ہے۔ 21 مئی کو شمالی علاقہ جات کے دورے سے لاہور واپسی کے بعد اس مشن کے بارے میں مزید تفصیلات بتا پاؤں گا تاہم مجھے یقین ہے کہ پشاور سے کراچی تک، پاکستان بھر کا دورہ کر کے ایسے نایاب ہیرے تلاش کرلوں گا جو پاکستان کے لیے اثاثہ ثابت ہوں گے۔

عبدالقادر کا کہنا تھا کہ میں ایک اسپنر ہوں اس لیے میری مہم محض لیگ اسپنر کی تلاش پر مبنی نہیں ہوگی، بلکہ آف اور لیگ دونوں انداز کے اسپنر، جس میں بھی اتنی صلاحیت نظر آئی کہ وہ مستقبل میں پاکستان کے لیے کامیابیاں سمیٹے اور بین الاقوامی کرکٹ میں اپنی دھاک بٹھائے، اس کی صلاحیتوں کو تراشنے میں اپنا کردار ادا کروں گا۔

عبدالقادر، جو ہمیشہ سے ہی یہ مانتے آئے ہیں کہ لیگ اسپنر میچ ونر ہوتا ہے، کا اس بارے میں پوچھے گئے سوال کے جواب میں کہنا تھا کہ میری کوشش ہوگی کہ ایسے باصلاحیت لیگ اسپنر تلاش کروں، جیسے دانش کنیریا کو میں نے جنرل توقیر ضیاء کے زمانے میں کھوجا تھا، پھر انہیں نیشنل کرکٹ اکیڈمی میں لایا جائے اور پاکستان کی لیگ اسپن گیند بازی کی ضروریات پوری کرنے کے لیے ایک دستہ تشکیل دیا جائے جو مستقبل کی کامیابیوں میں اہم کردار ادا کرے۔

واضح رہے اس سے قبل سرفراز نواز نے بھی کرک نامہ کو دیئے گئے خصوصی انٹرویو میں کہا تھا کہ وہ پاکستان کے تمام اضلاع میں جاکر تیز گیند بازوں کو تلاش کریں گے تاکہ پاکستان کو دوبارہ سے حقیقی تیز باؤلرز میسر آسکیں۔

ذرائع کا کہنا ہے کہ کرکٹ بورڈ چاہتا ہے کہ سرفراز نواز اور عبدالقادر دونوں مشترکہ طور پر یہ کیمپس پاکستان کے مختلف شہروں میں لگائیں تاکہ بیک وقت پاکستان کو تیز اور اسپن باؤلرز کی کھیپ میسر آسکے۔ اب دیکھتے ہیں کہ اگلے ماہ یہ دونوں لیجنڈری باؤلرز کس طرح اپنے کام کا آغاز کرتے ہیں۔
مشابہ تحاریر:

پروفیسر عقیل کے مضامین

بجلی کا بل اور زندگی کا بل

Posted: May 17th, 2012, 11:21pm by پروفیسر محمد عقیل

گرمیوں کی آمد کے ساتھ ہی ہمارے ہاں بجلی کی فراہمی میں کمی اور بلوں میں ہوشربا اضافہ ہوجاتا ہے ۔اس بنا پر لوگ بجلی استعمال کرنے میں بہت احتیاط برتنے لگ جاتے ہیں ۔غیر ضروری لائٹ ہو یا اسٹینڈ بائی پر چلنے والے برقی آلات سب بند کر دیے جاتے ہیں ۔زیادہ بجلی کھانے [...]

کرک نامہ

عمران طاہر کی مدد کر کے خوشی ہوگی: عبد القادر

Posted: May 17th, 2012, 10:05pm by احمد جٹ
کرکٹ کی تاریخ میں چند ہی ایسے اسپنر ایسے آئے ہیں، جنہوں نے اپنی خداداد صلاحیتوں کی بدولت تن تنہا اپنی ٹیم کو فتح سے ہمکنار کیا اور ان میں عبد القادر کا نام سب سے نمایاں ہے۔ تاریخ میں پہلی بار ’اسپن جادوگر‘ کا خطاب پانے والے عبد القادر نے نہ صرف 70ء اور 80ء کی اس دہائی میں اسپن گیند بازی کو زندہ رکھا جب دنیا میں تیز باؤلرز کا بول بولا تھا۔ انگلستان کے خلاف لاہور ٹیسٹ میں اننگز میں 56 رنز دے کر 9 وکٹیں حاصل کرنے کا ریکارڈ آخر اس زمانے کے کس شخص کو یاد نہ ہوگا۔ خصوصاً 80ء کی دہائی میں ویسٹ انڈیز جیسی پائے کی ٹیم کے خلاف پاکستان کا ناقابل شکست رہنے کا ریکارڈ اسی جادوگر کی مرہون منت تھا۔ انگلش کپتان گراہم گوچ نے عبد القادر کے حوالے سے کہا تھا کہ وہ شین وارن سے کہیں بہتر اسپنر تھا۔ حالانکہ اسی گراہم گوچ کو وارن نے جس گیند پر بولڈ قرار دیا تھا اسے ”صدی کی بہترین گیند“ قرار دیا گیا تھا۔ عبد القادر نے لیگ اسپن کے ہنر کو زندہ و جاوید کر دیا اور ان کے عالمی منظرنامے سے غائب ہوتے ہی شین وارن اور مشتاق احمد جیسے اسپنر ابھرے جنہوں نے لیگ اسپن گیند بازی کو نئے عروج پہنچا دیا۔ بعد ازاں عبد القادر نے چیئرمین سلیکٹر کی حیثیت سے بھی پاکستان کرکٹ بورڈ میں خدمات انجام دیں۔ تاہم اب دور جدید کے اسپنر بھی ان سے کچھ سیکھنے کے خواہاں دکھائی دیتے ہیں اور جنوبی افریقہ کے عمران طاہر نے اس خواہش کا اظہار کیا ہے کہ وہ عبد القادر سے کچھ سیکھنا چاہتے ہیں تاکہ رواں سال دورۂ انگلستان میں اپنی کارکردگی کو بہتر بنا سکیں۔

عمران میرے بیٹوں کا دوست ہے، اس لیے اپنی اولاد کی طرح عزیز ہے: عبد القادر (تصویر: AFP)

عمران طاہر ماضی میں پاکستان ’اے‘ کی جانب سے بھی کھیل چکے ہیں اور قومی کرکٹ ٹیم کی نمائندگی کے بہت قریب پہنچ گئے تھے حتی کہ ایک دورے کے لیے ان کا نام قومی ٹیم کے ممکنہ کھلاڑیوں میں شامل بھی ہو گیا تھا لیکن وہ حتمی فہرست میں جگہ نہ پا سکے اور بالآخر مایوس ہو کر جنوبی افریقہ چلے گئے۔ جہاں انہوں نے لیگ اسپن کے شعبے میں خلا کو پر کیا اور جنوبی افریقہ کے ڈومیسٹک سرکٹ میں تباہی مچائی۔ اس کارکردگی کے بنیاد پر قانونی شرط مکمل ہوتے ہی جنوبی افریقہ نے گزشتہ سال انہیں قومی کرکٹ ٹیم میں شامل کر لیا۔

ماضی کے عظیم اسپنر عبدالقادر نے پاکستانی نژاد اسپنر عمران طاہر کی لیگ اسپن باؤلنگ سیکھنے کے لیے رابطے کا خیرمقدم کیا ہے اور کہا ہے کہ عمران سے میرا بہت پرانا تعلق ہے، اور اپنے بیٹوں کا دوست ہونے کی وجہ سے میرے بیٹوں ہی کی طرح ہے۔ چترال سے بذریعہ ٹیلی فون کرک نامہ سے خصوصی گفتگو کرتے ہوئے عبد القادر کا کہنا تھا کہ عمران طاہر کی کامیابیاں دیکھ کر مجھے اتنا ہی فخر محسوس ہوتا ہے جتنا کوئی باپ اپنی اولاد کی کامیابیوں پر خوش ہوتا ہے۔

عبدالقادر کا کہنا ہے کہ عمران طاہر مختلف مواقع پر مجھ سے باؤلنگ ٹپس لیتے رہے ہیں، اس سلسلے میں وہ متعدد بار عبدالقادر انٹرنیشنل کرکٹ اکیڈمی میں بھی آچکے ہیں اور آخری مرتبہ پاکستان آمد پر وہ اپنی اہلیہ کے ساتھ میرے گھر بھی آئے تھے جہاں عمران طاہر نے لیگ اسپن سے متعلق مجھ سے کافی چیزیں پوچھیں اور میں نے ہر بار کی طرح اس بار بھی اسے بولنگ کے کچھ گر سکھائے۔ میں نے عمران طاہر کو بتایا تھا کہ گگلی کے لیے بہت محنت درکار ہوتی ہے، تم گھبرانا نہیں، چاہے تمہاری بال بریک ہو یا نہ ہو، بس محنت اور لگن سے اس ہنر کو سیکھنا جس پر اس نے عمل بھی کیا۔

لیجنڈری لیگ اسپنر نے بتایا کہ میں نے کریز کے تین مختلف اینگلز سے استعمال اور گیند پر گرفت کے ساتھ ساتھ یہ بھی سمجھایاہے کہ گیند کو کس طرح پکڑنا ہے اور کونسی گیند وکٹ کے قریب اور کونسی وکٹ سے دور رہ کر کروانی چاہیے، اور مجھے بہت خوشی ہے کہ وہ میرے مشوروں پر چلتا ہوا آج کامیابیاں سمیٹ رہا ہے۔ عبدالقادر نے عمران طاہر کے روشن مستقبل کی نوید دیتے ہوئے کہا کہ جس طرح تھوڑے سے عرصے میں عمران طاہر نے انٹرنیشنل کرکٹ میں اپنا لوہا منوایا ہے، اس سے یہ بات کہی جاسکتی ہے کہ وہ مستقبل میں بین الاقوامی کرکٹ کا بڑا لیگ اسپنر بنے گا۔ وہ ایک باصلاحیت اور فائٹر اسپنر ہے جو ایک کامیاب بولر کی نشانی ہوتی ہے۔

عبدالقادر کا کہنا تھا کہ اللہ نے لیگ اسپن گیند بازی کے ذریعے مجھے دنیائے کرکٹ میں جو عزت دی ہے اس کے بعد اب میرا فرض ہے کہ اگر کوئی کرکٹر، چاہے اس کا تعلق کسی بھی ملک سے کیوں نہ ہو، مجھ سے رہنمائی مانگے تو میں اس کی مدد کروں۔ اسی طرح اگر عمران طاہر میری رہنمائی چاہتے ہیں تو میں اس کے لیے حاضر ہوں، وہ پاکستان آئیں یا بذریعہ ٹیلی فون مجھ سے کوئی مشاورت کریں، مجھے ان کی مدد کرکے خوشی ہوگی۔

انٹرنیشنل کرکٹ کے حوالے سے گفتگو کرتے ہوئے عبدالقادر کا کہنا تھا کہ دنیائے کرکٹ میں تیز گیند بازوں کے بعد اگر کوئی باؤلر ہے تو وہ محض لیگ اسپنرز ہیں جو کسی بھی ٹیم کو میچز جتواسکتے ہیں اور تمام ممالک کے کرکٹ بورڈز کو چاہیے کہ وہ اپنی ٹیموں کی کامیابی کے لیے لیگ اسپن کے شعبے پر خصوصی توجہ دیں۔
مشابہ تحاریر:

رانا راشد ادریس

ہر سو چھایا تھا سناٹا:::::::::.....راشد ادریس رانا

Posted: May 17th, 2012, 9:46pm by Rashid Idrees Rana

اس کو میری یاد نے کاٹا
جس سے اپنا دکھ سکھ بانٹا
کس کو تسلی دیتے ہم
کس سے پیار کی باتیں کرتے
تیرے پیار میں ہم تھے پاگل
دل میں چبھا تھا ایسا کانٹا
روز تمہاری یاد میں تڑپے
دل کو اپنے ہاتھ میں تھاما
جب بھی خود میں تم کو ڈھونڈا
ہر سو چھایا تھا سناٹا راشد ادریس رانا خود احتسابی معاشرے میں تبدیلی کی طرف ایک قدم ہوتی ہے، آئیں سب مل کر معاشرے کو سنوارنے کے لیئے خود احتسابی اپنائیں۔ [paknatgeo.blogspot.com] & [punjabpk.blogspot.com]
آگ ہو تو جلنے میں دیر کتنی لگتی ہے : فرحت عباس شاہ

Posted: May 17th, 2012, 9:35pm by Rashid Idrees Rana

آگ ہو تو جلنے میں دیر کتنی لگتی ہے
برف کے پگھلنے میں‌ دیر کتنی لگتی ہے
چاہے کوئی رک جائے، چاہے کوئی رہ جائے
قافلوں کو چلنے میں دیر کتنی لگتی ہے
چاہے کوئی جیسا بھی ہمسفر ہو صدیوں سے
راستہ بدلنے میں دیر کتنی لگتی ہے
یہ تو وقت کے بس میں ہے کہ کتنی مہلت دے
ورنہ بخت ڈھلنے میں دیر کتنی لگتی ہے
موم کا بدن لے کر دھوپ میں نکل آنا
اور پھر پگھلنے میں‌ دیر کتنی لگتی ہے
سوچ کی زمینوں میں راستے جدا ہوں تو
دور جا نکلنے میں دیر کتنی لگتی ہے خود احتسابی معاشرے میں تبدیلی کی طرف ایک قدم ہوتی ہے، آئیں سب مل کر معاشرے کو سنوارنے کے لیئے خود احتسابی اپنائیں۔ [paknatgeo.blogspot.com] & [punjabpk.blogspot.com]
☻☻☻بٹ گئی کاریز زمیں داروں میں☻☻☻سبطِ علی صبا

Posted: May 17th, 2012, 8:37pm by Rashid Idrees Rana

ایک تصویر نظر آتی ہے شہ پاروں میں
مشترک سوچ ہے اس عہد کے فن کاروں میں لوگ جنگل کی ہواؤں سے ہیں اتنے خائف
کوئی روزن ہی نہیں گاؤں کی دیواروں میں جس کی پیشانی پہ تحریر تھا محنت کا نصاب
سرِفہرست وہی شخص ہے بے کاروں میں اور طبقات میں انسان بکھرتے جائیں
مشورے روز ہوا کرتے ہیں زرداروں میں جب کسی لفظ نے الجھے ہوئے معنی کھولے
رنگ کچھ اور نکھر آیا ہے فن پاروں میں تشنگی تشنہ زمینوں کی صباؔ مٹ نہ سکی
ہاں مگر بٹ گئی کاریز زمیں داروں میں خود احتسابی معاشرے میں تبدیلی کی طرف ایک قدم ہوتی ہے، آئیں سب مل کر معاشرے کو سنوارنے کے لیئے خود احتسابی اپنائیں۔ [paknatgeo.blogspot.com] & [punjabpk.blogspot.com]
راوی ترا سیلابِ جواں کیوں نہیں اٹھتا

Posted: May 17th, 2012, 8:10pm by Rashid Idrees Rana

اس شہر میں اب شورِ سگاں کیوں نہیں اٹھتا
آباد مکاں ہیں تو دھواں کیوں نہیں اٹھتا اٹھتے ہیں چمکنے کے لئے ننھّے سے جگنو
سورج! کوئی آشوبِ جہاں کیوں نہیں اٹھتا زندہ ہے ابھی شہر میں فن تیشہ گری کا
بازو ہیں تو پھر سنگِ گراں کیوں نہیں اٹھتا کیا رزق فقیروں کا فرشتوں میں بٹے گا
منصف کوئی اس خاک سے یاں کیوں نہیں اٹھتا تینتیس بہاروں کا ثمر چکھ کے بھی مجھ سے
دو چار قدم رختِ جہاں کیوں نہیں اٹھتا شہرت کی کمیں گاہوں میں قد ناپنے والو!
تم سے کبھی غیرت کا نشاں کیوں نہیں اٹھتا رستے میں ابھی ریت کی دیوار کھڑی ہے
راوی ترا سیلابِ جواں کیوں نہیں اٹھتا خود احتسابی معاشرے میں تبدیلی کی طرف ایک قدم ہوتی ہے، آئیں سب مل کر معاشرے کو سنوارنے کے لیئے خود احتسابی اپنائیں۔ [paknatgeo.blogspot.com] & [punjabpk.blogspot.com]
آندھی چلی تو :::..

Posted: May 17th, 2012, 7:49pm by Rashid Idrees Rana

آندھی چلی تو گرد سے ہر چیز اَٹ گئی
دیوار سے لگی تری تصویر پھٹ گئی لمحوں کی تیز دوڑ میں، میں بھی شریک تھا
میں تھک کے رک گیا تو مری عمر گھٹ گئی اس زندگی کی جنگ میں ہر اک محاذ پر
میرے مقابلے میں مری ذات ڈٹ گئی سورج کی برچھیوں سے مرا جسم چھد گیا
زخموں کی سولیوں پہ مری رات کٹ گئی احساس کی کرن سے لہو گرم ہو گیا
سوچوں کے دائروں میں تری یاد بٹ گئی خود احتسابی معاشرے میں تبدیلی کی طرف ایک قدم ہوتی ہے، آئیں سب مل کر معاشرے کو سنوارنے کے لیئے خود احتسابی اپنائیں۔ [paknatgeo.blogspot.com] & [punjabpk.blogspot.com]
دیوار کیا گری مرے خستہ مکان کی::سبطِ علی صبا

Posted: May 17th, 2012, 7:43pm by Rashid Idrees Rana

ملبوس جب ہوا نے بدن سے چرا لئے
دوشیزگانِ صبح نے چہرے چھپا لئے
ہم نے تو اپنے جسم پر زخموں کے آئینے
ہر حادثے کی یاد سمجھ کر سجا لئے
میزانِ عدل تیرا جھکاؤ ہے جس طرف
اس سمت سے دلوں نے بڑے زخم کھا لئے
دیوار کیا گری مرے خستہ مکان کی
لوگوں نے میرے صحن میں رستے بنا لئے
لوگوں کی چادروں پہ بناتی رہی وہ پھول
پیوند اس نے اپنی قبا میں سجا لئے
ہر حرملہ کے دوش پہ ترکش کو دیکھ کر
ماؤں نے اپنی گود میں بچے چھپا لئے
خود احتسابی معاشرے میں تبدیلی کی طرف ایک قدم ہوتی ہے، آئیں سب مل کر معاشرے کو سنوارنے کے لیئے خود احتسابی اپنائیں۔ [paknatgeo.blogspot.com] & [punjabpk.blogspot.com]

کرک نامہ

دورۂ انگلستان: عمران طاہر عبد القادر سے رہنمائی حاصل کریں گے

Posted: May 17th, 2012, 6:06pm by ابوشامل
جنوبی افریقہ کے پاکستانی نژاد لیگ اسپنر عمران طاہر انگلستان کے خلاف سال کی اہم ترین سیریز کے لیے اپنے گرو اور ماضی کے عظیم گیند باز عبد القادر سے رہنمائی حاصل کریں گے۔ عمران طاہر اس شاندار سیریز کی تیاریوں کے سلسلے میں لاہور آنے کے لیے پر تول رہے ہیں۔ ماہ جولائی میں انگلستان-جنوبی افریقہ سیریز اس لیے اہم ہے کہ اس وقت دونوں ٹیمیں ٹیسٹ کی عالمی درجہ بندی میں سرفہرست ہیں اور اس سیریز کا نتیجہ دونوں میں سے کسی ایک کو نمبر ایک پوزیشن پر مضبوط کر دے گا۔

عمران طاہر کو ٹیسٹ میں اپنی صلاحیتیں ابھی ثابت کرنی ہیں (تصویر: AFP)

جوہانس برگ کے وینڈررز اسٹیڈیم میں معروف ویب سائٹ 'کرک انفو' سے گفتگو کرتے ہوئے عمران طاہر نے کہا کہ یہ بہت بڑی سیریز ہوگی اور اگر میں کچھ خاص کرنے میں کامیاب ہو گیا تو یہ میری زندگی کی سب سے بڑی کامیابیوں میں سے ایک ہوگی۔ میں کسی حد تک ویسا ہی گیند باز ہوں جیسا کہ عبد القادر اپنے زمانے میں اس لیے میں اس سلسلے میں ان کی مدد چاہتا ہوں۔

توقعات کے بالکل برعکس عمران طاہر اب تک بین الاقوامی سطح پر ویسی کارکردگی نہیں دکھا سکے جس کی اب تک ان سے امید کی جا رہی تھی۔ سات ٹیسٹ مقابلوں میں انہوں نے 37.05 کے اوسط سےصرف 18 وکٹیں حاصل کی ہیں۔ اس حوالے سے عمران کا کہنا ہے کہ انہیں اب تک غیر مددگار صورتحال میں کھیلنا پڑا۔ ان کے مطابق میرے کھیلے گئے ٹیسٹ مقابلوں میں سے دو ایسے تھے جو صرف تین روز چل پائے جبکہ صرف دو ہی ایسے تھے جو پانچویں دن تک گئے۔

جنوبی افریقہ کے ٹیسٹ کپتان گریم اسمتھ اور کوچ گیری کرسٹن دونوں نے ان کی صلاحیتوں کو خوب سراہا ہے اور ان سے بڑی توقعات وابستہ کر رکھی ہیں یہی وجہ ہے کہ عمران کا کہنا ہے کہ مجھ پر کارکردگی دکھانے کے لیے کافی دباؤ ہے تاہم مجھے ساتھی کھلاڑیوں اور ٹیم انتظامیہ خصوصا کپتان کی جانب سےکافی سپورٹ حاصل ہے۔

البتہ طاہر کا ماننا ہے کہ انہیں اپنی چند گیندوں پر کام کرنا ہے اور اس سلسلے میں عبد القادر سے مدد لیں گے، جنہوں نے مجھے کہا تھا کہ کسی بھی مدد کے لیے میں ان سے فون پر بات کر سکتا ہوں لیکن میرے خیال میں ملاقات زیادہ بہتر ہے۔ وہ ایک لیجنڈ کھلاڑی ہیں اور میرے خیال میں وہ مجھے بہتر باؤلر بنا سکتے ہیں۔

جنوبی افریقہ کی کرکٹ ٹیم جولائی کے اوائل میں سرزمین انگلستان پہنچے گی جہاں اس کے دورے کا باضابطہ آغاز 19 جولائی سے اوول میں پہلے ٹیسٹ سے ہوگا۔ سیریز میں مجموعی طور پر تین ٹیسٹ، پانچ ایک روزہ اور تین ٹی ٹوئنٹی بین الاقوامی مقابلے کھیلے جائیں گے۔
مشابہ تحاریر:

آئی ٹی نامہ - ITnama.com

فیس بک کی جانب سے پیجز کے لیے نئی موبائل ایپلی کیشن متعارف

Posted: May 17th, 2012, 4:03pm by محمد عثمان بٹ
آپ کو معلوم ہے کہ فیس بک کی جانب سے موبائل صارفین اور خاص کر سمارٹ فونز صارفین کے لیے فیس بک ایپلی کیشنز تیار کی گئی ہیں۔ تو چاہے آپ اینڈرائیڈ، آئی او ایس یا پھر ونڈوز فون کوئی بھی سسٹم استعمال کریں آپ فیس بک ایپلی کیشن کے ذریعے اپنے دوستوں اور پوری دنیا سے رابطہ میں رہ سکتے ہیں۔

فیس بک کی جانب سے صارفین کی رائے کو مدنظر رکھتے ہوئے گذشتہ سال فیس بک میسنجر کے نام سے ایک علیحدہ ایپلی کیشن بھی متعارف کروائی گئی تاکہ وہ لوگ جو صرف اپنے دوستوں سے چیٹنگ کرنا چاہتے ہیں وہ اس ایپلی کیشن کا استعمال کریں۔ اطلاعات کے مطابق اب فیس بک کی جانب سے جلد ہی فیس بک پیج مینجر کے نام سے ایک نئی ایپلی کیشن متعارف کروائی جارہی ہے، جس کے ذریعے آپ فیس بک پر اپنے فین پیجز کے انتظامات چلا سکتے ہیں۔

فیس بک انتظامیہ کے مطابق ابھی اس ایپلی کیشن پر کام جاری ہے اور جلد ہی اسے تمام صارفین کے لیے پیش کر دیا جائے گا۔ اگر آپ فیس بک پر کسی پیج کے ایڈمنسٹریٹر ہیں اور بذریعہ موبائل ہی اس پیج کے انتظامات چلانا چاہتے ہیں تو یقیناً یہ ایپلی کیشن آپ کے لیے بہت فائدہ مند ثابت ہوگی۔

منبع
مزید دلچسپ تحاریر

محمد بلال خان کا بلاگ

فوٹو شاپ میں تصویر کا بیک گراؤنڈ ختم کریں

Posted: May 17th, 2012, 3:43pm by محمد بلال خان

بہت دوستوں کو اس مشکل کا سامنا ہوتا ہے کہ انہیں کسی تصویر سے بیک گراؤنڈ تبدیل کرنا نہیں آتا یا وہ ایک تصویر کو کسی اور بیک گراؤنڈ پر دیکھنا چاہتے ہیں لیکن انہیں طریقہ نہیں معلوم یا اگر معلوم ہے تو پروفیشنل طریقہ نہیں ہے۔اس ٹیوٹوریل میں آپ کا یہ مسئلہ امید ہے کہ حل ہوجائے گا۔

سب سے پہلے تو آپ فوٹو شاپ میں نئی فائل کو کھولیں اور پھر اس میں جس تصویر کا بیک گراؤنڈ تبدیل کرنا ہو اس تصویر کو کھولیں۔

میں نے اس ٹیوٹوریل کے لیئے قائد اعظم محمد علی جناح کے مزار کو استعمال کیا ہے۔

جب تصویر کو آپ کھول لیں تو پھر آپ ٹول باکس میں جائیں اور Pen Tool کو منتخب کریں۔ٹول کو منتخب کرنے کے بعد آپ اس ٹول کی مدد سے جس تصویر یا چیز کو الگ کرنا ہے اس کے گرد لائن بناتتے جائیں۔اگر لائن خراب بنے یا صحیح کرنا ہو تو آپ اپنے کی بورڈ سے Ctrl کا بٹن دبا کر ماؤس کی مدد سے اسے صحیح کرسکتے ہیں۔

مثال اس تصویر میں نظر آرہی ہے۔اور لائن بھی اس تصویر کے گرد نظر آرہی ہے۔

جب آپ مکمل طور پر لائن تصویر کے گرد کھینچ لیں تو پھر آپ Right کلک کریں اپنے ماؤس سے اور Make Selection پر کلک کریں۔مثال نیچےتصویر میں نظر آرہی ہے۔

جب آپ Make Selection پر کلک کریں گے تو آپ کے سامنے ایک باکس اوپن ہو گا۔اس باکس میں آپ نیچے تصویر کے مطابق تبدیلی کریں اور پھر اوکے پر کلک کردیں۔

اب آپ دیکھ سکتے ہیں کہ آپ کی مطلوبہ تصویر منتخب ہو چکی ہے یعنی Crop ہو چکی ہے۔اب آپ اپنےے کی بورڈ سے Ctrl+C دبائیں اور پھر اس کے بعد کی بورڈ سے Ctrl+V دبائیں۔جیسے ہی آپ دبائیں گےے تو آپ کی مطلوبہ تصویر کاپی ہونے کے بعد پیسٹ ہوجائے گی۔اور پھر اس طرح دکھائی دے گی۔

اب آپ Layer Plate میں سے پہلی والی Layer یعنی Layer 1 پر کلک کریں اور پھر کی بورڈ سے Delete کا بٹن دبادیں۔اس طرح پہلے والی Layer ختم ہوجائے گی۔اور مطلوبہ تصویر الگ ہو جائے گی۔

جب آپ Layer کو Delete کر دیں گے تو پھر آپ کے سامنے مطلوبہ تصویر کچھ اس طرح نظر آئے گی۔

اوپر تصویر میں آپ کو نظر آرہا ہوگا کہ کچھ کچھ بیک گراؤنڈ پچھلی تصویر کا ابھی بھی شامل ہے اور وہ ختم نہیں ہوا ہے۔اب ہم نے اس بیک گراؤنڈ کو ختم کرنا ہے جو کہ نظر آرہا ہے۔اس کو ختم کرنے کے لیئے آپ اپنے کی بورڈ سے Ctrl دباکر Layer 2 پر کلک کریں یعنی مطلوبہ تصویر والی Layer پر کلک کریں۔کلک کرنے کے بعد آپ مینو ( Menu ) میں Select پر کلک کریں اور پھر اس کے بعد Modify پر ماؤس لائیں اور پھر Contract پر کلک کریں۔کلک کرنے کے بعد آپ کے سامنے نیچے تصویر کی طرح باکس کھلے گا۔اس باکس میں تصویر کے مطابق تبدیلی کریں اور پھر OK پر کلک کردیں۔

اوکے کے بٹن پر کلک کرنے کے بعد آپ اپنے کی بورڈ سے Ctrl+Shift+I دبائیں تو پھر کی بورڈ سے Delete کا بٹن دبائیں۔Delete کا بٹن دبانے سے پہلے کچھ اس طرح آپ کی تصویر نظر آئے گی۔

Delete کا بٹن دبانے کے بعد آپ کی بورڈ سے Ctrl+D دبائیں۔اس طرح آپ کی مطلوبہ تصویر بیک گراؤنڈ کے بغیر آپ کے سامنے تیار ہے۔اب آپ بیک گراؤنڈ لیئر میں کوئی رنگ دیں یا پھر ختم کردیں یا پھر کوئی اور جگہ شامل کردیں۔میں نے بیک گراؤنڈ Layer کو ختم کردیا ہے تاکہ نئی فائل میں کام کیا جائے اور بغیر بیک گراؤنڈ کے تصویر کو محفوظ کرلیا جائے۔دیگر پروجیکٹس کے لیئے۔

اب آپ کی مطلوبہ تصویر آپ کے سامنے بغیر بیک گراؤنڈ کے نظر آرہی ہے۔امید ہے آپ کی مشکل حل ہوگئی ہوگی۔یہ ایک پروفیشنل طریقہ ہے تصویر کا بیک گراؤنڈ ہٹانے کا۔

صریرِ خامۂ وارث

کرد تاراج دِلَم، فتنہ نگاہے عَجَبے - فارسی غزل سید نصیر الدین نصیر مع اردو ترجمہ

Posted: May 17th, 2012, 3:09pm

سید نصیر الدین نصیر شاہ مرحوم کی یہ غزل، امیر خسرو علیہ الرحمہ کی خوبصورت غزل "چشمِ مستے عجَبے، زلف درازے عجَبے" کی زمین میں ہے، ترجمے کے ساتھ لکھ رہا ہوں

کرد تاراج دِلَم، فتنہ نگاہے عَجَبے
شعلہ روئے عجَبے، غیرتِ ماہے عَجَبے

میرا دل (دل کی دنیا) تاراج کر دیا، اُس کی نگاہ میں عجب فتنہ ہے، اس کے چہرے کا شعلہ عجب ہے، اس ماہ کی غیرت عجب ہے۔

Naseer-Ud-Din Naseer
سید نصیر الدین نصیرشاہ

با ہمہ نامہ سیاہی نہ ہراسَم از حشر
رحمتِ شافعِ حشر است، پناہے عجبے

میں اپنے اعمال نامے کی اس تمام تر سیاہی کے باوجود حشر سے نہیں ڈرتا کہ حشر کے دن کے شافع (ص) کی رحمت کی پناہ بھی عجب ہے۔

رُوئے تابانِ تو در پردۂ گیسوئے سیاہ
بہ شبِ تار درخشانیِ ماہے عجبے

تیرا تاباں چہرہ تیرے سیاہ گیسوؤں کے پردے میں ایسے ہی ہے جیسے تاریک شب میں چاند کی درخشانی، اور یہ عجب ہی سماں ہے۔

رہزنِ حُسن ربایَد دل و دیں، ہوش و خرَد
گاہ گاہے سرِ راہے بہ نگاہے عجبے

راہزنِ حسن دل و وین اور ہوش و خرد کو لوٹ کر لے جاتا ہے، کبھی کبھی سرِ راہے اپنی عجب نگاہ سے۔

نقدِ جاں باختہ و راہِ بَلا می گیرَند
ہست عشاقِ ترا رسمے و راہے عَجَبے

نقدِ جان فروخت کر دیتے ہیں اور راستے کی بلاؤں کو لے لیتے ہیں، تیرے عاشقوں کی راہ و رسم بھی عجب ہے۔

خواستَم رازِ دِلَم فاش نہ گردَد، لیکن
اشک بر عاشقیم گشت گواہے عجَبے

میں چاہتا ہوں کہ میرے دل کا راز فاش نہ ہو، لیکن ہم عاشقوں پر (ہمارے) آنسو عجب گواہ بن جاتے ہیں۔

ذرّۂ کوچۂ آں شاہِ مدینہ بُودَن
اے نصیر از پئے ما شوکت و جاہے عَجَبے

اُس شاہِ مدینہ (ص) کے کوچے کا ذرہ بننا، اے نصیر میرے لیے ایک عجب ہی شان و شوکت ہے۔

پیر سیّد نصیر الدین نصیر شاہ مرحوم
--------

بحر - بحرِ رمل مثمن مخبون محذوف مقطوع

افاعیل - فاعِلاتُن فَعِلاتُن فَعِلاتُن فَعلُن
(پہلے رکن فاعلاتن کی جگہ مخبون رکن فعلاتن بھی آسکتا ہے، آخری رکن فعلن کی جگہ فعلان، فَعِلن اور فَعِلان بھی آسکتا ہے یوں آٹھ وزن اکھٹے ہو سکتے ہیں)

اشاری نظام - 2212 / 2211 / 2211 / 22
ہندسوں کو اردو کی طرز پر دائیں سے بائیں پڑھیے۔ یعنی 2212 پہلے ہے اور اس میں بھی 12 پہلے ہے۔
(پہلے 2212 کی جگہ 2211 اور آخری 22 کی جگہ 122، 211 اور 1211 بھی آ سکتا ہے)

تقطیع -

کرد تاراج دِلَم، فتنہ نگاہے عَجَبے
شعلہ روئے عجَبے، غیرتِ ماہے عَجَبے

کرد تارا - فاعلاتن - 2212
ج دلم فت - فعلاتن - 2211
نَ نگاہے - فعلاتن - 2211
عَجَبے - فَعِلن - 211

شعلَ روئے - فاعلاتن - 2212
عَجَبے غے - فعلاتن - 2211
رَتِ ماہے - فعلاتن - 2211
عَجَبے - فَعِلن - 211
------

رانا راشد ادریس

::::::سیاہ سی خدمت:::::::

Posted: May 17th, 2012, 3:05pm by Rashid Idrees Rana

خود احتسابی معاشرے میں تبدیلی کی طرف ایک قدم ہوتی ہے، آئیں سب مل کر معاشرے کو سنوارنے کے لیئے خود احتسابی اپنائیں۔ [paknatgeo.blogspot.com] & [punjabpk.blogspot.com]
کاش کہ ایسی قیادت مل جائے!!!!

Posted: May 16th, 2012, 2:31pm by Rashid Idrees Rana

ایک منتخب تحریر، انتساب کالم "بھوسے کے تنکے" راقم:محمد اظہار الحق

اونٹنی پر دو تھیلے تھے‘ ایک میں ستو تھے‘ دوسرے میں کھجوریں۔ سامنے پانی سے بھرا مشکیزہ تھا اور پیچھے ایک برتن۔ مسلمانوں کی ایک جماعت ساتھ تھی‘ روزانہ صبح آپ برتن بیچ میں رکھ دیتے اور سب آپکے ساتھ کھانا کھاتے۔ پیشانی سے اوپر کا حصہ دھوپ میں چمک رہا تھا‘ سر پر ٹوپی تھی‘ نہ عمامہ‘ اونٹ کی پیٹھ پر اونی کمبل تھا جو قیام کی حالت میں بستر کا کام بھی دیتا تھا۔ خورجین میں کھجور کی چھال بھری تھی‘ اسے ضرورت کے وقت تکیہ بنا لیا جاتا تھا۔ نمدے کا بوسیدہ کُرتا پہنے تھے اس میں چودہ پیوند تھے اور پہلو سے پھٹا ہوا تھا۔
یہ تھی وہ حالت جس میں عمر فاروق اعظم بیت المقدس میں داخل ہوئے جہاں مخالفین ہتھیار ڈال چکے تھے اور اب وہ معاہدہ کرنے آئے تھے جس کی رو سے یہ عظیم الشان شہر مسلمانوں کی سلطنت میں شامل ہونا تھا۔
آپ نے مفتوح قوم کے سردار کو بلایا‘ اس کا نام جلومس تھا‘ ارشاد فرمایا‘ میرا کرتا دھو کر سی لاﺅ اور مجھے تھوڑی دیر کیلئے کوئی کپڑا یا قمیص دے دو۔

جلومس نے عرض کیا‘ ”آپ عرب کے بادشاہ ہیں‘ اس ملک میں آپ کا اونٹ پر جانا زیب نہیں دیتا‘ اگر آپ دوسرا لباس پہن لیں اور ترکی گھوڑے پر سوار ہو جائیں تو رومیوں کی نگاہ میں عظمت بڑھے گی۔“ جواب دیا۔ ”خدا نے ہمیں جو عزت دی ہے‘ اسلام کی وجہ سے ہے‘ اسکے سوا ہمیں کچھ نہیں چاہیے“۔

ابن کثیر نے طارق بن شہاب کی ایک روایت بھی نقل کی ہے‘ ان کا بیان ہے‘ ”جب حضرت عمر شام پہنچے تو ایک جگہ رستے میں پانی رکاوٹ بن گیا۔ آپ اونٹنی سے اترے‘ موزے اتار کر ہاتھ میں لئے اور اونٹنی کو ساتھ لے کر پانی میں اتر گئے۔ حضرت ابوعبیدہؓ نے کہا‘ آپ نے آج وہ کام کیا جس کی اہل زمین کے نزدیک بڑی عظمت ہے۔ فاروق اعظم نے انکے سینے پر ہاتھ مارا اور فرمایا‘ ”ابوعبیدہؓ! کوئی اور کہتا تو کہتا‘ یہ بات تمہارے کہنے کی نہ تھی۔ تم دنیا میں سب سے زیادہ حقیر‘ سب سے زیادہ ذلیل اور سب سے زیادہ قلیل تھے‘ اللہ نے تمہیں اسلام سے عزت دی‘ جب بھی تم اللہ کے سوا کسی سے عزت طلب کرو گے‘ اللہ تمہیں ذلیل کریگا۔“

لیکن لطیفہ یہ ہے کہ جب بھی ان ہستیوں کی مثال دی جاتی ہے تو کہا جاتا ہے کہ یہ تو صحابہ تھے‘ یہ تو خلفائے راشدین تھے‘ یہ تو عمر بن عبدالعزیز تھے‘ تو پھر شان و شوکت پر مرنے والے لوگ کیا یہ چاہتے ہیں کہ ہم چنگیز خان اور قیصر یا کسریٰ کی مثالیں دیں؟ کیا ہم عیاش زندگی گزارنے والے ان کیڑے مکوڑوں کو ان بادشاہوں کا سبق پڑھائیں جو بات بات پر کھالیں کھنچواتے تھے؟ کیا ان کا آئیڈیل بنوامیہ کے وہ لالچی لوگ ہیں جنہوں نے عمر بن عبدالعزیز کو زہر دے دیا تھا؟

امام ابوحنیفہ کپڑا دھو رہے تھے اور دھوئے جا رہے تھے۔ کسی نے پوچھا حضرت! آپ نے تو فقہ کے حساب سے فتویٰ دیا ہے کہ تین دفعہ دھونے سے کپڑا پاک ہو جاتا ہے‘ پھر مسلسل دھوئے جا رہے ہیں؟ فرمایا! وہ فتویٰ تھا‘ یہ تقویٰ ہے۔ لیڈر کے ایک ایک عمل سے سینکڑوں ہزاروں لاکھوں کروڑوں لوگوں کا طرز عمل متاثر ہوتا ہے ۔ خود احتسابی معاشرے میں تبدیلی کی طرف ایک قدم ہوتی ہے، آئیں سب مل کر معاشرے کو سنوارنے کے لیئے خود احتسابی اپنائیں۔ [paknatgeo.blogspot.com] & [punjabpk.blogspot.com]

کرک نامہ

دورۂ سری لنکا کٹھن ہوگا، ڈیو واٹمور

Posted: May 16th, 2012, 2:12pm by شہاب نفیس
پاکستان کی قومی کرکٹ ٹیم سال میں اپنے دوسرے بڑے امتحان یعنی دورۂ سری لنکا کی تیاریوں کے لیے سخت محنت کر رہی ہے۔ ٹیم کا تربیتی لاہور میں سخت گرمی میں جاری ہے اور کھلاڑی مشقوں میں جتے ہوئے ہیں۔ ٹیم انتظامیہ کو مکمل اندازہ ہے کہ سری لنکا دورہ کس قدر کٹھن ہوگا اور کوچ ڈیو واٹمور کا کہنا ہے کہ بحر ہند کے جزیرے میں قومی ٹیم کا کڑا امتحان ہوگا۔

ڈیو واٹمور سمجھتے ہیں کہ گرم موسم میں مشقیں سری لنکا کے موسم سے آشنائی میں مددگار ثابت ہوگی (تصویر: AFP)

سری لنکا کے دورے کا باضابطہ آغاز یکم جون کو ہمبنٹوٹا میں پہلے ٹی ٹوئنٹی بین الاقوامی مقابلے سے ہوگا جس کے بعد دونوں ٹیمیں مزید ایک ٹی ٹوئنٹی، 5 ایک روزہ اور تین ٹیسٹ مقابلے کھیلیں گی۔

لاہور کا درجۂ حرارت آجکل 50 درجے ڈگری سینٹی گریڈ کو چھو رہا ہے اور اس سخت موسم میں کھلاڑیوں کی بھرپور مشقیں ان کی فٹنس کو ظاہر کرنے کے لیے کافی ہیں۔ صحافیوں سے گفتگو کرتے ہوئے واٹمور نے امید ظاہر کی کہ کھلاڑیوں کو سری لنکا کی آب و ہوا سے مانوس ہونے میں کچھ زیادہ دقت پیش نہیں آئے گی کیونکہ مہمان ٹیم کو سر لنکا میں تقریباً ایسے ہی ماحول سے سابقہ پڑے گا۔ واٹمور کا کہنا تھا کہ یہ ہماری خوش قسمتی ہے کہ ہمیں یہاں گرمی میں پریکٹس کرنے کا موقع مل رہا ہے۔ سری لنکا کا موسم بھی گرم ہو گا اور کھلاڑیوں کو وہاں کے ماحول سے مناسبت پیدا کرنے میں کوئی خاص دشواری پیش نہیں آئے گی۔ کچھ کھلاڑی دورے کے لئے اپنی تیاری کو یقینی بنانے کے لئے گرمی میں خوب محنت کر رہے ہیں۔ میرا خیال ہے کہ ہمیں بھرپور تیاری کے ساتھ میدان میں اترنا ہوگاکیونکہ ہم ایک بہت مضبوط ٹیم سے دو دو ہاتھ کرنے جا رہے ہیں۔

گو کہ سری لنکا کی حالیہ ٹیسٹ معرکوں میں کارکردگی قابل ذکر نہیں رہی لیکن پھر بھی محدود اوورز کے مرحلے میں وہ آسٹریلیا میں ہونے والے سہ فریقی ٹورنامنٹ میں ایک سخت ثابت ہوا اس لیے پاکستان کو بہت جان لڑانا ہوگی۔ قومی سلیکشن کمیٹی نے دورۂ سری لنکا میں تینوں طرز کی کرکٹ کے لئے علیحدہ دستوں کا اعلان کیا تھا، جس کے حوالے سے واٹمور کا کہنا ہے کہ وہ کھلاڑیوں کے انتخاب کے عمل سے مطمئن ہیں اور ہر کھلاڑیوں کو مختلف فارمیٹ میں اس کی مناسبت کے لحاظ سے منتخب کیا گیا ہے۔ آسٹریلین نژاد کوچ نے کہا کہ جہاں تک ٹیم کی قیادت کا تعلق ہے تو یہ میرا معاملہ نہیں، پی سی بی جو بھی فیصلہ کرے گا میں اس کی تائید کروں گا۔ انہوں نے دورے کے لئے کچھ نا تجربہ کار کھلاڑیوں کے انتخاب کی بھی حمایت کی اور کہا کہ موجودہ اسکواڈ میں کچھ نئے چہرے شامل ہیں جو یہ ایک مثبت پہلو ہے۔

واٹمور، جو ماضی میں کوچ کی حیثیت سے طویل عرصے تک سری لنکا میں خدمات انجام دے چکے ہیں، نے امید ظاہر کی کہ سری لنکا کی وکٹیں بلے بازی کے لیے مددگار ثابت ہوں گی۔
مشابہ تحاریر:

تحریم کا بلاگ

چین میں اسلام کی آمد

Posted: May 16th, 2012, 3:45am by ارتقاءِ حيات

چین آبادی کے لحاظ سے دنیا کا سب سےبڑا ملک ہے اس کی تاریخ صدیوں پرانی ہے۔مختلف ادوار میں اس کے مختلف نام رہے۔249قبل مسیح میں یہاں”چی ن”خاندان کی حکومت تھی۔اس کے نام پر یہ ملک چین کہلانے لگا۔1949؁کے انقلاب کے بعد “عوامی جمہوریہ چین “بن گیا۔ اسلام کی روشنی اوّل اوّل جن ملکوں میں [...]

ایم ڈی نور

٭ کیا " ٹرئیر وائلر" فرانس کی" خاتون اوّل " بن پائیں گی ؟؟٭

Posted: May 16th, 2012, 3:20am

منجانب فکرستان :- ڈی ۔ایچ۔ لارنس کا کہنا ہے" عورت" مرد کا" گُڈا" بناتی ہے!!!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شادی سے پہلےجو بیٹے یہ اصول بیان کرتے تھے۔ پہلے ماں باپ/ بعد میں بیوی شادی کے بعد وہی ماں باپ کو خارج کردیتے ہیں۔اب چاروں سمت بیوی ہی بیوی ہوتی ہے۔۔اور موصوف بن جاتے ہیں مثل اس شعر کے۔جو تم کو ہو پسند وہی بات کریں گے ٭ تم دن کو اگر رات کہو رات کہیں گے۔۔نقاد سلیم احمد نے اپنے مضمون " حکایتِ یوسفؑ اور ہم" میں ڈی۔ ایچ۔ لارنس کے افسانے" کپتان کا گُڈا" کا حوالہ دیا ہے جس میں لارنس کہتا ہے کہ ہر عورت ، مرد کو اپنے "آئیڈیل گڈے" میں تبدیل کرنے کا عمل ہر وقت جاری رکھتی ہے ،اس لیے وہ عورت سے کہتا ہے۔۔ خُدارا مجھ سے محبت نہ کرو ۔۔۔
ہمارے نامور عالم اور سیاست دان محترم جناب مولانا فضل الرحمان فرمایا کرتے ہیں کہ منہ سے کبھی ایسی بات نہیں نکالنی چاہئیےجس سے بعد میں شرمندگی اُٹھانی پڑے۔مولانا کا یہ مشورہ فرانس کے نو منتخب صدر اولاند تک نہیں پہنچا ہوگا اور شاید اُنہوں نے ڈی ایچ لارنس کا" کپتان کا گُڈا" بھی نہیں پڑھا ہوگا ، اسی لیے تو اخباری نمائندوں کے اِس سوال پر کہ اگر آپ اپنی پارٹنر" ٹرئیر وائلر" سے شادی نہیں کریں گے تو اُسے بیوی والا پروٹو کول نہیں ملے گا ۔۔۔ جس پر اولاند صاحب نے اکڑ کر جواب دیا کہ پروٹوکول کی خاطر شادی نہ کرنے کے اصول کوتوڑا نہیں جاسکتا ۔۔۔اور نہ ہی تعلقات کو کسی طور شادی کے تحت لایا جاسکتا ۔۔۔۔۔۔۔۔اولاند صاحب زیادہ مت اکڑو۔۔۔ اور نہ ہی اصول اصول چِلاؤ۔۔۔ آپکو پتا بھی نہیں چلے گا اور آپ خوشی خوشی اپنی پارٹنر " ٹرئیر وائلر" کا " گُڈا"( کہنا ماننے والا) بن جائیں گے۔۔۔ "عورت" مرد کو " گُڈا" بنانے کے بے شمار طریقے جانتی ہے " ٹرئیر وائلر" اِن میں سے کوئی بھی طریقہ استعمال کرکے اپنی دلی خواہش کو پورا کر لے گی۔۔۔۔۔ یعنی"خاتونِ اوّل" بن جائے گی اور رہے آپ کے اُصول تو جس طرح بڑے بڑے اصول پرستوں کے اصول عورت کے مقابل ہوا ہوئے ہیں ، اسی طرح آپ کےاصول بھی تحلیل ہوجائیں گے۔۔۔
شادی سے پہلےجو بیٹے یہ اصول بیان کرتے تھے۔ پہلے ماں باپ/ بعد میں بیوی شادی کے بعد وہی ماں باپ کو خارج کردیتے ہیں۔اب چاروں سمت بیوی ہی بیوی ہوتی ہے۔۔اور موصوف بن جاتے ہیں مثل اس شعر کے۔۔۔جو تم کو ہو پسند وہی بات کریں گے ٭ تم دن کو اگر رات کہو رات کہیں گے۔۔۔ اب اجازت دیں ۔۔۔ آپ کا بُہت شُکریہ۔۔۔(ایم۔ڈی)

کرک نامہ

پاک-آسٹریلیا سیریز کے لیے دو تین مقامات زیر غور

Posted: May 16th, 2012, 3:14am by ابوشامل
پاکستان اور آسٹریلیا کے درمیان محدود اوورز کی اہم ترین سیریز کی میزبانی کا معاملہ کھٹائی میں پڑ چکا ہے، کیونکہ سری لنکا نے سیریز کی میزبانی سے انکار کر دیا ہے کیونکہ اس کا شیڈول اولین سری لنکا پریمیئر لیگ سے متصادم ہو رہاہے۔اب پاکستان کرکٹ بورڈ کو فوری طور پر سیریز کے لیے نئے میزبان کی تلاش ہے ورنہ خدشہ ہے کہ یہ اہم سیریز ہی منسوخ ہو جائے گی جو ورلڈ ٹی ٹوئنٹی 2012ء کی تیاریوں کے سلسلے میں کلیدی کردار ادا کرے گی کیونکہ پاکستان 5 ایک روزہ مقابلوں کے ساتھ ساتھ تین ٹی ٹوئنٹی بھی کھیلے گا۔

آئی سی سی ورلڈ ٹی ٹوئنٹی 2012ء سے چند ہفتے قبل ہونے والی یہ سیریز بہت اہمیت کی حامل ہے

کیونکہ پاکستان میں بین الاقوامی کرکٹ کی واپسی کا فی الحال کوئی امکان نہیں اس لیے پاکستان کرکٹ بورڈ کو ایک مرتبہ پھر بیرون ملک ہی کوئی مقام تلاش کرنا پڑے گا اور اس حوالے سے پی سی بی کے ڈائریکٹر گیم ڈیولپمنٹ انتخاب عالم نے معروف ویب سائٹ پاک پیشن سے گفتگو کرتے ہوئے اس امید کا اظہار کیا کہ گو کہ ابھی نئے مقام کا تعین باقی ہے تاہم پاک-آسٹریلیا سیریز ضرور منعقد ہوگی۔

انتخاب عالم کا کہنا تھا کہ آسٹریلیا کے خلاف سیریز کا سری لنکا میں عدم انعقاد مایوس کن ضرور تھا کیونکہ یہ سری لنکا میں ٹی ٹوئنٹی عالمی کپ سے قبل پاکستان کو زبردست تیاریوں کا موقع فراہم کرتا لیکن یہ معاملہ ہمارے ہاتھ میں نہیں تھا اور ہمیں اپنے سری لنکا کے متبادل کے طور پر دو سے تین مقامات رکھنے چاہئے تھے۔

پاکستان کرکٹ بورڈمیں مختلف عہدوں پر خدمات انجام دینے والےانتخاب عالم نے اس شبے کو رد کیا کہ آسٹریلیا کے خلاف یہ سیریز متبادل مقامات کی عدم دستیابی کے باعث منسوخ ہو سکتی ہے۔ ان کا کہنا تھا کہ آسٹریلیا کے خلاف سیریز کی منسوخی کا کوئی امکان نہیں اور پاکستان کرکٹ بورڈ متعدد آپشنز پر غور کر رہا ہے جو سری لنکا کے متبادل بن سکتے ہیں۔ ہم ہفتے ڈیڑھ میں مزید تفصیلات طے کر لیں گے۔

انہوں نے مزید کہا کہ ممکنہ متبادل مقامات کے حوالے سے تلاش مکمل ہونے کے بعد پاکستان کرکٹ بورڈ جلد ہی کرکٹ آسٹریلیا سے رابطہ کرے گا۔ ہماری نظریں آسٹریلیا کے خلاف کھیلنے پر مرکوز ہیں اور امید ہے کہ یہ ایک شاندار سیریز ہوگی چاہے جہاں بھی کھیلی جائے۔
مشابہ تحاریر:
نمبر ون رہنے کے لیے انگلستان کو ویسٹ انڈیز کے خلاف لازماً فتح درکار

Posted: May 16th, 2012, 2:58am by ابوشامل
انگلستان اور ویسٹ انڈیز کے درمیان تین ٹیسٹ میچز کی سیریز کا آغاز کل (جمعرات) سے لندن کے تاریخی میدان لارڈز سے ہو رہا ہے اور حالیہ ٹیسٹ مقابلوں میں آسٹریلیا کے خلاف توقعات سے بڑھ کر کارکردگی دکھانے والے ویسٹ انڈیز کے خلاف انگلستان کو لازماً فتح حاصل کرنی ہے کیونکہ اس کی عالمی نمبر ایک پوزیشن برقرار رہنے کا دارومدار جیت پر ہے۔

اینڈریو اسٹراس کے انگلستان کو رواں سال اپنی نمبر ون پوزیشن بچانے کے لیے کافی پاپڑ بیلنا پڑیں گے (تصویر: Getty Images)

بین الاقوامی کرکٹ کونسل (آئی سی سی) کی جانب سے کرک نامہ کو موصول ہونے والے اعلامیہ کے مطابق انگلستان اس وقت 116 پوائنٹس کے ساتھ سرفہرست ہے، گو کہ جنوبی افریقہ کے پوائنٹس بھی اتنے ہی ہیں لیکن انگلستان کو چند اعشاریہ کی بدولت اس پر برتری حاصل ہے جو انگلستان ویسٹ انڈیز سیریز کے برابر ہونےکی صورت میں بھی ختم ہو جائے گی اس لیےانگلستان کو بہرصورت یہ سیریز جیتنی ہے۔

سیریز 0-0 یا 1-1 سے برابر ہونے کی صورت میں انگلستان کو دو پوائنٹس سے محروم ہو جانا پڑے گا اور یوں انگلستان-جنوبی افریقہ ٹکراؤ سے قبل ہی پروٹیز کو بابائے کرکٹ پر نفسیاتی برتری حاصل ہو جائے گی۔

12 جولائی کو پاک-سری لنکا ٹیسٹ سیریز کے اختتام کے بعد اور 19 جولائی کو انگلستان-جنوبی افریقہ سے قبل سالانہ ٹیسٹ چیمپئن شپ کا آغاز ہوگا اور انگلستان پوری کوشش کرے گا کہ وہ ویسٹ انڈیز کے خلاف سیریز سے زیادہ سے زیادہ پوائنٹس حاصل کرے اور یوں آسٹریلیا، پاکستان یا جنوبی افریقہ کی سالانہ ٹیسٹ چیمپئن شپ اپ ڈیٹ کے بعد سرفہرست آنے کی امیدوں پر پانی پھیر دے۔

البتہ 1-0 یا 2-1 سے فتح انگلستان کو 116 ریٹنگ پوائنٹس پر برقرار رکھے گی جبکہ 2-0 سے فتح کے نتیجے میں اسے ایک قیمتی پوائنٹ بھی ملے گا۔ اگر وہ کلین سویپ میں کامیاب ہوتا ہے تو اس کے پوائنٹس کی تعداد 118 ہو جائے گی۔

اگر خلاف توقع انگلستان 2-0 یا 3-0 سے ہار جاتا ہے تو اسے پہلی پوزیشن سے گر کر چوتھی پوزیشن پر جانا پڑے گا اور جنوبی افریقہ اول، آسٹریلیا دوسری اور بھارت تیسری پوزیشن پر قابض ہو جائے گا۔

علاوہ ازیں ویسٹ انڈیز کے بلے باز شیونرائن چندرپال ٹیسٹ بلے بازوں کی عالمی فہرست میں اول نمبر پر ہیں اور انہیں اپنی پوزیشن کو برقرار رکھنے کے لیے انگلش سرزمین پر کارکردگی دکھانا ہوگی۔ ان کے علاوہ انگلستان کے ایلسٹر کک بھی ایسے بلے باز ہیں جو سرفہرست 10 میں موجود ہیں اور ویسٹ انڈیز کے خلاف اچھی کارکردگی انہیں مزید آگے لے جا سکتی ہے۔

گیند بازوں میں انگلستان کے جمی اینڈرسن اور گریم سوان سرفہرست حریفوں ڈیل اسٹین اور سعید اجمل کے قریب آنے کی کوشش کریں گے، جو بدستور اول و دوئم پوزیشن پرموجود ہیں۔ ان کے علاوہ اسٹورٹ براڈ بھی آٹھویں نمبر پر موجود ہیں۔

انفرادی درجہ بندی پہلے ٹیسٹ کے اختتام پر تازہ تر ہوگی جبکہ ٹیموں کی درجہ بندی تین ٹیسٹ میچز کی سیریز کے خاتمے پر اپ ڈیٹ کی جائے گی جو 11 جون کو ایجبسٹن، برمنگھم میں آخری ٹیسٹ میچ مکمل ہونے کے بعد جاری ہوگی۔

ٹیسٹ کی مکمل عالمی درجہ بندی کے لیے کرک نامہ کا خصوصی صفحہ ملاحظہ کریں
مشابہ تحاریر:
بھارت میں اسپاٹ فکسنگ تحقیقات آئی سی سی کا اصل امتحان ہوگا: شبیر احمد

Posted: May 16th, 2012, 2:00am by احمد جٹ
بھارت میں نوجوان کھلاڑیوں کے اسپاٹ فکسنگ کے دھندے میں ملوث ہونے نے تہلکہ مچا رکھا ہے اور ایک جانب جہاں سابق کھلاڑی مختلف پہلوؤں سے بھارتی کھلاڑیوں اور کرکٹ نظام کو تنقید کا نشانہ بنارہے ہیں وہیں موجودہ کرکٹرز بھی ان کرتوتوں پر خاموش نہیں ہیں۔ اس حوالے سے کرک نامہ سے خصوصی گفتگو کرتے ہوئے پاکستان کے ٹیسٹ کرکٹر شبیر احمد نے کہا ہے کہ بھارتی کھلاڑیوں کی بدعنوانی کے ثبوت سامنے آنے کے بعد انٹرنیشنل کرکٹ کونسل (آئی سی سی) کو خاموشی نہیں اختیار کرنی چاہیے بلکہ اسے بالکل وہی کردار ادا کرنا چاہیے جو اس نے 2010ء میں انگلستان میں پاکستانی کھلاڑیوں کی فکسنگ میں ملوث ہونے کی وڈیوز منظر عام پرآنے کے بعد ادا کیا تھا۔

انٹرنیشنل کرکٹ کونسل کے اینٹی کرپشن یونٹ کی کارکردگی پر بدستور سوالیہ نشان موجود ہے، شبیر احمد (تصویر: AFP)

شبیر احمد نے زور دیتے ہوئے کہا کہ آئی سی سی عالمی کرکٹ کا اعلیٰ ترین ادارہ ہے، اور انڈین پریمیئر لیگ بھی اس کے ایک اہم رکن ملک کے زیر انتظام ہو رہی ہے، لہٰذا بدعنوانی کے ان واقعات کی تحقیقات کے لیے آئی سی سی کے انسداد بدعنوانی کے شعبے(اے سی ایس یو) کو فعال کردار ادا کرنا چاہیے اور کسی دباؤ میں آئے بغیر الکل ویسی ہی تحقیق کرنی چاہیے جیسی پاکستانی کرکٹرز کی گئی تھی۔

شبیر احمد کا کہنا تھا کہ جب پاکستانی کھلاڑیوں کی کرپشن کی وڈیوز منظر عام پر آئی تھیں تو ہر طرف سے پاکستان پر انگلیاں اٹھائی گئیں، حتیٰ کہ تحقیقات ہونے سے قبل ہی انہیں مجرم قرار دے دیا گیا، جبکہ اب بھارتی کھلاڑیوں کے کرتوت سامنے آئے ہیں تو ویسا شور برپا نہیں جس سے کئی سوالات جنم لے رہے ہیں۔ شبیر احمد نے واضح کیا کہ وہ بھارتی کرکٹ کے خلاف نہیں ہیں، لیکن کرکٹ میں اگر کہیں بھی بدعنوانی ہوتی ہے تو آئی سی سی کی ذمہ داری ہے کہ وہ تمام ممالک کے ساتھ یکساں سلوک کرے۔

طویل القامت فاسٹ بولر کا کہنا تھا کہ جب پاکستان کا اسپاٹ فکسنگ اسکینڈل سامنے آیا تو پاکستان کرکٹ پاکستانی کرکٹ بورڈ نے انتہائی ذمہ داری کا ثبوت دیتے ہوئے انٹرنیشنل کرکٹ کونسل کے اینٹی کرپشن اینڈ سیکورٹی یونٹ کو اس معاملے میں تفتیش کرنے کی کھل کر اجازت دی تھی۔ بھارتی کرکٹ بورڈ کو بھی پاکستانی بورڈ کے طریق کار پر عمل کرنا چاہیے تاکہ اس کرپشن کی شفاف تحقیقات ہوسکے۔انہوں نے کہا کہ انٹرنیشنل کرکٹ کونسل کے اینٹی کرپشن یونٹ کی کارکردگی پر بدستور سوالیہ نشان موجود ہے کہ اتنے فعال شعبے کے ہوتے ہوئے بھی کرپشن کے یہ واقعات کس طرح رونما ہوجاتے ہیں۔

شبیر احمد کا کہنا تھا کہ اللہ کا شکر ہے کہ بھارت میں پاکستانی کھلاڑیوں کو کھیلنے کی اجازت نہیں ہے ورنہ اس معاملے میں بھی کسی نہ کسی طرح پاکستانی کرکٹرز کو بدنام کرنے کے لیے گھسیٹا جاتا۔

پاکستان پریمیئر لیگ کے حوالے سے شبیر کا کہنا تھا کہ پاکستان پریمیئر لیگ کے آنے سے ایسا نادر ٹیلنٹ سامنے آئے گا جس کو دیکھ کر دنیا کی آنکھیں کھل جائیں گی کیونکہ ہمارے پاس ڈومیسٹک انفرا اسٹرکچر اتنا معیاری نہیں ہے جتنا دیگر ممالک میں ہے اس کے باوجود دنیائے کرکٹ میں کئی عظیم کھلاڑی یہیں سے سامنے آئے۔ اب بھی کئی ایسے گمنام ستارے پاکستانی کرکٹ سے وابستہ ہیں جو اس ایونٹ سے دنیا کے سامنے آئیں گے۔ انہوں نے کہا کہ پاکستان کرکٹ کو کوئی تنہا نہیں کرسکتا کیونکہ یہ کرکٹ کی نرسری ہے۔
مشابہ تحاریر:

Skip to page: 1 2 3 ... 264

اردو کے سب رنگ

Feeds

Recent items

Posted: May 19th, 2012, 11:51pm by ميرا پاکستان

Posted: May 19th, 2012, 8:38pm by ارتقاءِ حيات

Posted: May 19th, 2012, 6:42pm by پروفیسر محمد عقیل

Posted: May 19th, 2012, 5:06pm by شہاب نفیس

Posted: May 19th, 2012, 4:47pm by شہاب نفیس

Posted: May 18th, 2012, 2:52pm by Taha Munir

Posted: May 18th, 2012, 2:30pm

Posted: May 18th, 2012, 8:36am by منیر عباسی

Posted: May 18th, 2012, 3:34am by Kainat Bashir

Posted: May 18th, 2012, 3:13am by ارتقاءِ حيات

Posted: May 18th, 2012, 8:23pm

Posted: May 18th, 2012, 7:58pm by احمد جٹ

Posted: May 18th, 2012, 6:18pm

Posted: May 18th, 2012, 5:03pm by احمد جٹ

Posted: May 18th, 2012, 4:42pm by افتخار اجمل بھوپال

Posted: May 18th, 2012, 3:37pm by محمد زھیر چوھان

Posted: May 17th, 2012, 11:12am by یاسر خوامخواہ جاپانی

Posted: May 17th, 2012, 4:43am by Taha Munir

Posted: May 17th, 2012, 1:39am by احمد جٹ

Posted: May 17th, 2012, 11:21pm by پروفیسر محمد عقیل

Posted: May 17th, 2012, 10:05pm by احمد جٹ

Posted: May 17th, 2012, 9:46pm by Rashid Idrees Rana

Posted: May 17th, 2012, 9:35pm by Rashid Idrees Rana

Posted: May 17th, 2012, 8:37pm by Rashid Idrees Rana

Posted: May 17th, 2012, 8:10pm by Rashid Idrees Rana

Posted: May 17th, 2012, 7:49pm by Rashid Idrees Rana

Posted: May 17th, 2012, 7:43pm by Rashid Idrees Rana

Posted: May 17th, 2012, 6:06pm by ابوشامل

Posted: May 17th, 2012, 4:03pm by محمد عثمان بٹ

Posted: May 17th, 2012, 3:43pm by محمد بلال خان

Posted: May 17th, 2012, 3:09pm

Posted: May 17th, 2012, 3:05pm by Rashid Idrees Rana

Posted: May 16th, 2012, 2:31pm by Rashid Idrees Rana

Posted: May 16th, 2012, 2:12pm by شہاب نفیس

Posted: May 16th, 2012, 3:45am by ارتقاءِ حيات

Posted: May 16th, 2012, 3:20am

Posted: May 16th, 2012, 3:14am by ابوشامل

Posted: May 16th, 2012, 2:58am by ابوشامل

Posted: May 16th, 2012, 2:00am by احمد جٹ